അരിക്കുഴ : ഉദയ വൈ .എം. എ ലൈബ്രറിയുടെ നേതൃത്വത്തിൽ 78മത് സ്വാതന്ത്ര്യദിനാഘോഷത്തിന്റെ ഭാഗമായി 'ഇന്ത്യൻ സ്വാതന്ത്ര്യസമരം മിഥ്യയും സത്യവും ' എന്ന വിഷയത്തിൽ സെമിനാർ സംഘടിപ്പിച്ചു. ലൈബ്രറി പ്രസിഡന്റ് സിന്ധു വിജയന്റെ അദ്ധ്യക്ഷതയിൽ ചേർന്ന യോഗത്തിൽ മണക്കാട് ഗ്രാമപഞ്ചായത്ത് മെമ്പർ എ .എൻ ദാമോദരൻ നമ്പൂതിരി ഉദ്ഘാടനം നിർവഹിച്ചു. ഡൊമിനിക് സാവിയോ വിഷയാവതരണം നടത്തി. തുടർന്ന് നടന്ന ചർച്ചയിൽ കെ. എസ് തങ്കപ്പൻ, ടി .കെ ശശിധരൻ, എൻ ജെ മാത്യു നെടുംപുറത്ത്, സിന്ധു വാസുദേവൻ എന്നിവർ സംസാരിച്ചു. ലൈബ്രറി സെക്രട്ടറി അനിൽ എം കെ, പ്രോഗ്രാമിന് നേതൃത്വം നൽകി.