ഇടുക്കി: വനിതശിശുവികസന വകുപ്പ് മുഖേന നടപ്പിലാക്കുന്ന അഭയകിരണം പദ്ധതിയിലേയ്ക്ക് ഓൺലൈനായി അപേക്ഷ ക്ഷണിച്ചു. 50 വയസിനു മുകളിൽ പ്രായമുള്ളതും ബന്ധുവിന്റെ സംരക്ഷണയിൽ കഴിയുന്നവരുമായ വിധവകളായ സ്ത്രീകളെ സംരക്ഷിക്കുന്നതിന് വേണ്ടിയുള്ള പദ്ധതിയാണിത്. വിധവകളുടെ വാർഷിക വരുമാനം ഒരു ലക്ഷം രൂപയിൽ കവിയാൻ പാടില്ല. വിധവ സർവ്വീസ് പെൻഷൻ/കുടുംബപെൻഷൻ എന്നിവ കൈപ്പറ്റുന്നവർ ആകരുത്. സംരക്ഷണം നൽകുന്ന ബന്ധുവിന്റെയും വിധവയുടെയും പേരിൽ ജോയിന്റ് അക്കൗണ്ട് ഉണ്ടായിരിക്കണം. www.schemes.wcd.kerala.gov.in എന്ന വെബ്‌സൈറ്റ് വഴി ഓൺലൈനായി അപേക്ഷകൾ സമർപ്പിക്കണം. കൂടുതൽ വിവരങ്ങൾ അറിയുന്നതിനായി അതാത് പ്രദേശത്തെ ശിശുവികസന പദ്ധതി ഓഫീസുമായി ബന്ധപ്പെടാവുന്നതും, തൊട്ടടുത്തുള്ള അങ്കണവാടിവർക്കറെ സമീപിക്കാവുന്നതുമാണ്. അപേക്ഷ സമർപ്പിക്കേണ്ട അവസാന തീയതി ഡിസംബർ 15.