തൊടുപുഴ: തൊടുപുഴയുടെ വോൾട്ടേജ് ക്ഷാമം പരിഹരിക്കുന്നതിന് സബ്സ്റ്റേഷൻ സ്ഥാപിക്കണമെന്ന് ആവശ്യപ്പെട്ട് കെ.എസ്.ഇ.ബി. പെൻഷനേഴ്‌സ് അസോസിയേഷൻ ജില്ലാ സമ്മേളനം പ്രമേയം പാസാക്കി. മൂലമറ്റം എച്ച്.ആർ.സി. ഹാളിൽ ജില്ലാ പ്രസിഡന്റ് ചന്ദ്രോദയൻ നായർ എൻ. ബി. യുടെ അദ്ധ്യക്ഷതയിൽ നടന്ന സമ്മേളനം സംസ്ഥാന വൈസ് പ്രസിഡന്റ് എ. സെയ്‌ഫുദ്ദീൻ ഉദ്ഘാടനം ചെയ്‌തു. സംസ്ഥാന വൈസ് പ്രസിഡന്റ് എം.ടി. വർഗീസ് മുഖ്യപ്രഭാഷണം നടത്തി. ജില്ലാ സെക്രട്ടറി പി.എസ്. ഭോഗീന്ദ്രൻ ജില്ലാ റിപ്പോർട്ട് അവതരിപ്പിച്ചു. ട്രഷറർ എൻ.ആർ. വിജയകുമാർ കണക്ക് അവതരിപ്പിച്ചു. മൂലമറ്റം ജനറേഷൻ സർക്കിൾ എക്സിക്യൂട്ടീവ് എൻജിനിയർ കെ. എം. ജുമൈല ബീവി, വനിതാവേദി കേന്ദ്രകമ്മറ്റിയംഗം ഇന്ദിര കൃഷ്ണൻ, വി.കെ. രാജു, ജി. സുകുമാരൻ നായർ, മോഹനൻ പി. കെ, പി.ജി. പ്രകാശ്, ടി. തങ്കപ്പൻ എന്നിവർ പ്രസംഗിച്ചു. സമ്മേളനത്തിൽ പുതിയ ഭാരവാഹികളായി എൻ. ബി. ചന്ദ്രോദയൻ നായർ (പ്രസിഡന്റ് ), പി. ജി. പ്രകാശ് (സെക്രട്ടറി), എൻ. ആർ. വിജയകുമാർ (ട്രഷറർ), വൈസ് പ്രസിഡന്റുമാരായി കെ.കെ. തങ്കപ്പൻ, കെ.സി. ഗോപിനാഥൻ നായർ, പി. എസ്. ശശിധരൻ നായർ, ജോയിന്റ് സെക്രട്ടറിമാരായി പി. കെ. മോഹനൻ, വി. കെ. രാജു എന്നിവർ അടങ്ങുന്ന 25 അംഗ കമ്മറ്റിയെ തിരഞ്ഞെടുത്തു. ജില്ലയെ പ്രതിനിധീകരിച്ച് സംസ്ഥാന കമ്മിറ്റിയിലേക്ക് സെക്രട്ടറിയായി പി. എസ്. ഭോഗീന്ദ്രനെ നോമിനേറ്റ് ചെയ്തു‌. യോഗത്തിൽ മൂലമറ്റം ഡിവിഷൻ പ്രസിഡന്റ് എം. ജി. വിജയൻ സ്വാഗതവും പി. എസ്. ശശിധരൻ നായർ നന്ദിയും പറഞ്ഞു.