ഇടുക്കി: ന്യൂനപക്ഷ വിഭാഗത്തിൽപ്പെട്ട വിധവകൾ,വിവാഹബന്ധം വേർപ്പെടുത്തിയ ഉപേക്ഷിക്കപ്പെട്ട സ്ത്രീകൾ എന്നിവർക്കുള്ള ഇമ്പിച്ചി ബാവ ഭവന പുനരുദ്ധാരണ പദ്ധതിയിലേക്കുള്ള അപേക്ഷ 31 വരെ സ്വീകരിക്കും. മുസ്ലീം, ക്രിസ്ത്യൻ, ബുദ്ധ, സിഖ്, പാഴ്‌സി, ജൈൻ എന്നീ ന്യൂനപക്ഷ മതവിഭാഗത്തിൽപ്പെടുന്ന വിധവകൾ, വിവാഹബന്ധം വേർപ്പെടുത്തിയ ഉപേക്ഷിക്കപ്പെട്ട സ്ത്രീകൾ എന്നിവർക്കാണ് ന്യൂനപക്ഷക്ഷേമ വകുപ്പ് സഹായം നൽകുക. ജനലുകൾ,വാതിലുകൾ ,മേൽക്കൂര , ഫ്‌ളോറിംഗ് ,ഫിനിഷിംങ് ,പ്ലംബിംങ് , സാനിറ്റേഷൻ, വയറിംഗ് , എന്നിവയില്ലാത്ത വീടുകളുടെ അടിസ്ഥാന സൗകര്യം മെച്ചപ്പെടുത്തന്നതിനാണ് ധനസഹായം .
ഒരു വീടിന്റെ അറ്റകുറ്റപണികൾക്ക് 50,000 രൂപ ലഭിക്കും. ഇത് തിരിച്ചടക്കേണ്ടതില്ല.ബി.പി.എൽ കുടുംബത്തിന് മുൻഗണന. അപേക്ഷകയോ , അവരുടെ മക്കൾക്കോ, ശാരീരിക മാനസിക വെല്ലുവിളി നേരിടുന്നവർ, പെൺകുട്ടികൾ മാത്രമുള്ള അപേക്ഷക തുടങ്ങിയവർക്കും മുൻഗണന ലഭിക്കും .
അപേക്ഷാ ഫാറം , ഭൂമിയുടെ കരം ഒടുക്കിയ രസീതിന്റെ പകർപ്പ്, റേഷൻ കാർഡിന്റെ പകർപ്പ് എന്നിവയോടൊപ്പം വീട് റിപ്പയർ ചെയ്യേണ്ടതിനും, വീടിന്റെ വിസ്തീർണ്ണം 1200 സ്‌ക്വയർ ഫീറ്റിൽ കുറവാണ് എന്ന് വില്ലേജ് ആഫീസർ,തദ്ദേശ സ്വയംഭരണ സ്ഥാപനത്തിലെ അസിസ്റ്റന്റ് എഞ്ചിനീയർ/ബന്ധപ്പെട്ട അധികാരികൾ എന്നിവരിൽ ആരുടെയെങ്കിലും സാക്ഷ്യപത്രം ഉള്ളടക്കം ചെയ്യണം . പൂരിപ്പിച്ച അപേക്ഷ രേഖകൾ സഹിതം കളക്ടറേറ്റിലെ ന്യൂനപക്ഷക്ഷേമ സെക്ഷനിൽ നേരിട്ടോ. ജില്ലാ ന്യൂനപക്ഷക്ഷേമ സെക്ഷൻ, സിവിൽ സ്റ്റേഷൻ , കുയിലിമല , പൈനാവ് , ഇടുക്കി എന്ന വിലാസത്തിൽ തപാൽ മുഖാന്തിരമോ ആഗസ്ത് 31 വരെ അപേക്ഷിക്കാം. അപേക്ഷാ ഫോറം www. minoritywelfare.kerala.gov.in ൽ ലഭിക്കും.