കുമളി : മുല്ലപ്പെരിയാർ അണക്കെട്ട് സംബന്ധിച്ച് കേരളത്തിൽ വ്യാജ പ്രചരണം നടക്കുന്നുവെന്നാരോപിച്ച് തമിഴ്‌നാട്ടിലെ പെരിയാർ ,വൈഗയ് കർഷക സംഘം ഉപവാസ സമരം നടത്തി. ഇന്നലെ തേനിക്കടുത്ത് ഉത്തമപാളയത്താണ് ഉപവാസ സമരം നടത്തിയത്. മുല്ലപ്പെരിയാർ അണക്കെട്ട് സുരക്ഷിതമാണെന്നും വയനാട്ടിൽ ഉണ്ടായ ഉരുൾപൊട്ടലുമായി താരതമ്യം ചെയ്യാൻ ശ്രമിച്ചുള്ള പ്രചരണങ്ങളാണ് കേരളത്തിലെ സംഘടനകൾ നടത്തുന്നതെന്ന് സമരത്തിൽ പങ്കെടുത്ത നേതാക്കൾ ആരോപിച്ചു . രണ്ടഴ്ച മുൻപ് ഇതെ ആവശ്യം ഉന്നയിച്ചു കർഷകർ ലോവർ ക്യാമ്പിൽ ദേശീയപാത ഉപരോധിക്കാനെത്തിയെങ്കിലും പിന്നീട് പൊലീസ് ഇവരെ തിരിച്ചയക്കുകയായിരുന്നു.