പീരുമേട്: പീരുമേട് ശ്രീകൃഷ്ണസ്വാമി ക്ഷേത്രത്തിന് സമീപം തമിഴ്നാട്ടിൽ നിന്നും പച്ചക്കറി കയറ്റിവന്നലോറി വൈദ്യുതി പോസ്റ്റിൽ ഇടിച്ച് മറിഞ്ഞു.. അപകടത്തിൽ രണ്ട് പോസ്റ്റുകൾ ഒടിഞ്ഞ് തകർന്നു.

ഇന്നലെ പുലർച്ചെ തമിഴ്നാട്ടിൽ നിന്നും കോട്ടയത്തേക്ക് പച്ചക്കറി കയറ്റി വന്ന ലോറി ശ്രീകൃഷ്ണ സ്വാമി ക്ഷേത്രത്തിന്റെ മുൻവശത്തെ വളവിൽവച്ച് ബ്രേക്ക് നഷ്ടപ്പെട്ട് വൈദ്യുതി പോസ്റ്റിൽ ഇടിച്ച്മറിയുകയായിരുന്നു.ലോറി ഇടിച്ച് രണ്ട് വൈദ്യുതി പോസ്റ്റുകളും തകർന്നു. അപകടത്തിൽ പെട്ട ലോറിയിൽ ഉണ്ടായിരുന്നവർക്ക് നിസ്സാര പരിക്കുകളോടെ രക്ഷപ്പെട്ടു.ഇന്നലെ വൈകുന്നേരം ആറുമണിവരെ പീരുമേട്ടിൽ വൈദ്യുതി പുനസ്ഥാപിക്കാനായില്ല.

വാഗമണ്ണിലുണ്ടായ മറ്റൊരു അപകടത്തിൽ ഇന്നോവ കാർ ഓട്ടോ റിക്ഷയിൽ ഇടിച്ച് അപകടം ഉണ്ടായി. നെടുമ്പാശ്ശേരിയിൽ നിന്ന് യാത്രക്കാരെ കയറ്റി ചപ്പാത്ത് ഭാഗത്തേക്ക് പോകുകയാ യായിരുന്ന ഇന്നോവകാർ വാഗമൺ പുള്ളിക്കാനം റോഡിൽ റോഡരികിൽ നിർത്തിയിട്ടിരിക്കുന്ന ഓട്ടോറിക്ഷ യിൽഇടിച്ച് അപകടമുണ്ടായി. വാഹനത്തിന്റെ ഡ്രൈവർ ഉറങ്ങിപ്പോയതാണ് അപകടകാരണമെന്നാണ് പ്രാഥമിക നിഗമനം. അപകടത്തിൽ കാറിൽ ഉണ്ടായിരുന്നവർ നിസ്സാരപരിക്കുകളോടെ രക്ഷപ്പെട്ടു.