രാജാക്കാട് : എസ്.എൻ ഡി.പി യോഗം രാജകുമാരി ശാഖയുടെ കീഴിലുള്ള നടുമറ്റം
ശ്രീനാരായണ ഗുരുദേവ ക്ഷേത്രത്തിൽ ഗുരുദേവ പഞ്ചലോഹ വിഗ്രഹപ്രതിഷ്ഠാ കർമ്മം 28 ന് നടക്കുമെന്ന് ഭാരവാഹികൾ അറിയിച്ചു.ബുധനാഴ്ച 12.02 നും 12.20 നും മദ്ധ്യേയുള്ള ശുഭമുഹൂർത്തത്തിൽ ഗുരുപ്രകാശം സ്വാമികളുടേയും(ശിവഗിരിമഠം),എം. പുരുഷോത്തമൻ ശാന്തികളുടേയും,സതീഷ് ശാന്തികളുടേയും കാർമ്മികത്വത്തിൽ പ്രതിഷ്ഠാകർമ്മം നടത്തും. രാജാക്കാട് യൂണിയൻ പ്രസിഡന്റ് എം.ബി ശ്രീകുമാർ ക്ഷേത്ര സമർപ്പണം നടത്തും.27 ന് രാവിലെ 6 ന് അഷ്ടദ്രവ്യമഹാഗണപതി ഹോമം, ത്രികാല ഭഗവതിസേവ, മഹാ മൃത്യുഞ്ജയഹോമം.10.30 ന് മഹാ സുദർശന ഹോമം.12.30 ന് പ്രസാദ ഊട്ട്, 2.30 ന് രാജാക്കാട് ശ്രീമഹാദേവർ ക്ഷേത്രത്തിൽ നിന്നും വിഗ്രഹഘോഷയാത്ര ആരംഭിച്ച് എൻ.ആർ സിറ്റിയിലും മാങ്ങാത്തൊട്ടിയിലും രാജകുമാരി ടൗണിലും സ്വീകരണം നൽകും 4.30 ന് രാജകുമാരി ഗ്രാമപഞ്ചായത്ത് ഗ്രൗണ്ടിൽ നിന്നും നടുമറ്റം ക്ഷേത്ര സന്നിധിയിലേക്ക് ഘോഷയാത്രയായി എത്തിക്കും 6.30 ന് ക്ഷേത്ര സന്നിധിയിൽ ഭഗവതിസേവ,വാസ്തുബലി ശുദ്ധിക്രിയകൾ. 28 ന് ഉച്ചകഴിഞ്ഞ് രണ്ടിന് നടക്കുന്ന
ക്ഷേത്ര സമർപ്പണ സമ്മേളനം രാജാക്കാട് യൂണിയൻ പ്രസിഡന്റ് എം.ബി ശ്രീകുമാർ ഉദ്ഘാടനം ചെയ്യും .ശാഖാ പ്രസിഡന്റ് വി.എം സുരേന്ദ്രൻ അദ്ധ്യക്ഷത വഹിക്കും. ഗുരുപ്രകാശം സ്വാമികൾ അനുഗ്രഹ പ്രഭാഷണവും യോഗം അസിസ്റ്റന്റ് സെക്രട്ടറി കെ.ഡി രമേശ് മുഖ്യപ്രഭാഷണവും നടത്തും.യൂണിയൻ വൈസ് പ്രസിഡന്റ് ജി.അജയൻ, സെക്രട്ടറി കെ.എസ് ലതീഷ്‌കുമാർ,രാജകുമാരി ഗ്രാമ പഞ്ചായത്ത് പ്രസിഡന്റ് സുമ ബിജു,ശാഖാ സെക്രട്ടറി എം.കെ ദിനു,വൈസ് പ്രസിഡന്റ് പി. ടി. ഹരി, പ്രതിഷ്ഠാ കമ്മിറ്റി ചെയർമാൻ വി.എൻ സജി, കൺവീനർ വീണ സുമൽ, യൂണിയൻ,ശാഖ,വനിതാസംഘം യൂത്ത്മൂവ്‌മെന്റ് ഭാരവാഹികൾ എന്നിവർ പ്രസംഗിക്കും