പീരുമേട്: കഴിഞ്ഞദിവസം പെയ്ത ശക്തമായ മഴയിലും കാറ്റിലും കോട്ടമല ജയ ഭവനിൽ പ്രിൻസിന്റെ വീടിന്റെ ഒരു ഭാഗത്തെ മേൽക്കൂര തകർന്ന് വീണു. വീട് പുനർനിർമ്മിക്കുവാൻ പണം കണ്ടെത്താനാകാതെ പ്രതിസന്ധിയിലായിരിക്കുയാണ്
പ്രിൻസും കുടുംബവും. വീടിന്റെ ഒരു ഭാഗത്തെ മേൽക്കൂരയും ഷീറ്റ് ഉൾപ്പടെ തകർന്ന് വീഴുകയായിരുന്നു. മേച്ചിൽ ഷീറ്റുകൾക്കും തകരാർ സംഭവിച്ചിട്ടുണ്ട്. കൂടാതെ വീടിന്റെ ഭിത്തികൾക്കും വിള്ളൽ സംഭവിച്ചിട്ടുണ്ട്. നിലവിൽ ശക്തമായ മഴയുള്ളപ്പോൾ മഴ വെള്ളം വീട്ടിന്റെ അകത്തേക്ക് ഒലിച്ച് ഇറങ്ങുന്നുണ്ട്. പ്രിൻസും ഭാര്യയും കുഞ്ഞുമാണ് ഇവിടെ കഴിയുന്നത്. ഷീറ്റ് മുഴുവനായി മാറ്റി വീട് സുരക്ഷിതമാക്കാൻ കൂലിപണി ചെയ്ത് ജീവിക്കുന്ന പ്രിൻസിന് സാമ്പത്തിക ശേഷിയില്ല.