ഏലപ്പാറ : ഏലപ്പാറ ശ്രീകൃഷ്ണസ്വാമി ക്ഷേത്ര കമ്മിറ്റിയുടെ ആഭിമുഖ്യത്തിൽ ശ്രീകൃഷ്ണജയന്തി ആഘോഷിച്ചു. രാവിലെ ഗണപതി ഹോമം, നിർമ്മാല്യദർശനം, ദീപാരാധന, അഖണ്ഡനാമജപം, 10 ന് മഹാശോഭായാത്ര, കുട്ടികളുടെ ഉറിയടി, ഉച്ചപൂജ, വെണ്ണയൂട്ട്, പിറന്നാൾ സദ്യ,, മധുരപലഹാര വിതരണം, പ്രസാദവിതരണം, വെടിക്കെട്ട് തുടർന്ന് ഭജന, രാത്രി 12 ന് അവതാരപൂജ, വെടിക്കെട്ട് എന്നിവ നടന്നു. പരിപാടികൾക്ക് ക്ഷേത്രകമ്മിറ്റി പ്രസിഡന്റ് വി.പി ബാബു, സെക്രട്ടറി മഹേഷ് .ബി. നായർ എന്നിവർ നേതൃത്വം നൽകി.