കട്ടപ്പന: ബിവറേജസ് മാനേജ്മെന്റിന്റെ കയറ്റിറക്ക് തൊഴിലാളികളോടുള്ള അവഗണന അവസാനിപ്പിക്കണമെന്ന് ചുമട്ടുതൊഴിലാളി യൂണിയൻ (ഐ .എൻ .റ്റി .യു. സി) പ്രവർത്തക സമ്മേളനം ആവശ്യപ്പെട്ടു. കൂലി വർദ്ധന ആവശ്യപ്പെട്ട് യൂണിയനുകൾ ഒന്നര വർഷം മുൻപ് കത്തു നൽകിയെങ്കിലും ഒരു ചർച്ചയ്ക്കുപോലും മാനേജ്മെന്റ് തയ്യാറാകാതെ ഏകപക്ഷീയമായി പേരിന് കൂലി വർദ്ധന പ്രഖ്യാപിക്കുകയാണുണ്ടായത്.സെപ്തംബർ മൂന്നിന് കട്ടപ്പന ബിവറേജസിന് മുൻപിൽ ഐ. എൻ. റ്റി. യു സി യുടെ നേതൃത്വത്തിൽ പ്രതിഷേധ ധർണ നടത്താൻ യോഗം തീരുമാനമെടുത്തു. കെ .പി. സി സി സെക്രട്ടറി തോമസ് രാജൻ സമ്മേളനം ഉദ്ഘാടനം ചെയ്തു. യൂണിയൻ കൺവിനെർ സുഭാഷ് പി .റ്റി അദ്ധ്യക്ഷത വഹിച്ചു. ജോസ് മുത്തനാട്ട്, മനോജ് മുരളി,സിജു ചക്കുംമൂട്ടിൽ,പി ജെ ബാബു തുടങ്ങിയവർ പ്രസംഗിച്ചു.