കാഞ്ഞങ്ങാട്: ഉദുമ ഗ്രാമപഞ്ചായത്തിലെ രൂക്ഷമായ കടലാക്രമണം തടയാൻ അടിയന്തരനടപടി സ്വീകരിക്കണമെന്ന് ബി.ജെ.പി പ്രതിനിധി സംഘം ആവശ്യപ്പെട്ടു.ബേക്കൽ, കോട്ടിക്കുളം, ഉദുമ പടിഞ്ഞാറ് പ്രദേശങ്ങളിൽ കടലാക്രമണം രൂക്ഷമാണ്. തൃക്കണ്ണാട് ക്ഷേത്ര മണ്ഡപവും അപകടത്തിലാണ്. കാഞ്ഞങ്ങാട് കാസർകോട് കെ.എസ്.ടി.പി റോഡ് കടലെടുക്കാനുള്ള സാദ്ധ്യതയും വർദ്ധിച്ചിട്ടുണ്ട്.നിരവധി വീടുകൾ അപകട ഭീഷണി നേരിടുകയാണ്.ജില്ലാ കളക്ടർ ഉടൻ സ്ഥലം സന്ദർശിക്കണമെന്നും ബിജെപി ആവശ്യപ്പെട്ടു.സംസ്ഥാന സെക്രട്ടറി അഡ്വ.കെ. .ശ്രീകാന്ത്, ജില്ലാ സെൽ കോഡിനേറ്റർ എൻ.ബാബുരാജ്, വൈ.കൃഷ്ണദാസ്,മണ്ഡലം വൈസ് പ്രസിഡന്റ് കുഞ്ഞിക്കണ്ണൻ, തമ്പാൻ അച്ഛേരി, മണ്ഡലം സെക്രട്ടറി പി.വി.ശ്യാംകുമാർ, ഉദുമ പഞ്ചായത്ത് ജനറൽ സെക്രട്ടറി മധു ബാര, സെക്രട്ടറി വിനിൽകുമാർ തുടങ്ങിയവർ സംഘത്തിലുണ്ടായിരുന്നു.