കണ്ണൂർ :കാവുംഭാഗം സൗത്ത് യു.പി.സ്കൂളിൽ നടന്ന തലശ്ശേരി നോർത്ത് സബ് ജില്ല ചെസ് മത്സരത്തിലെ സബ് ജൂനിയർ വിഭാഗം ഓവറോൾ റോളിംഗ് ട്രോഫിക്ക് മമ്പറം യു.പി സ്കൂളും ജൂനിയർ,​സീനിയർ വിഭാഗം ഓവറോൾ റോളിംഗ് ട്രോഫി മമ്പറം എച്ച്.എസ്.എസും അർഹരായി. തലശ്ശേരി മുൻസിപ്പാലിറ്റി പൊതുമരാമത്ത് സ്റ്റാൻഡിംഗ് കമ്മിറ്റി ചെയർമാൻ സി സോമൻ ഉദ്ഘാടനം ചെയ്തു. കൗൺസിലർ സി പ്രശാന്തൻ അദ്ധ്യക്ഷത വഹിച്ചു.സംഘാടക സമിതി കൺവീനർ ടി.വി.ശ്രീകുമാർ , അദ്ധ്യാപക സംഘടനാ പ്രതിനിധികളായ മിഥുൻ മുകുന്ദൻ, കെ.പി.വിപിൻ ലാൽ ,എ.ദിവ്യ , സ്പോർട്സ് കൺവീനർ പി.ബി.പ്രശാന്ത്, പി.ടി.എ പ്രസിഡന്റ് മേരി ഹിമ, സ്റ്റാഫ് സെക്രട്ടറി കെ.ധന്യേഷ് ,പ്രധാനാദ്ധ്യാപിക ഇ.എം രാഗിണി എന്നിവർ പ്രസംഗിച്ചു.