കാഞ്ഞങ്ങാട്: റെയിൽവേ സ്റ്റേഷൻ പാർക്കിംഗ് പ്രശ്നത്തിന് പരിഹാരം കാണണമെന്നും ഫിനാൻസ് ലൈസൻസ് ഫീസ് ഓൺലൈൻ അടക്കുവാനും ലൈസൻസ് ഓൺലൈൻ ഡൗൺലോഡ് ചെയ്ത് കിട്ടുവാനുള്ള സൗകര്യം ചെയ്തു തരണമെന്നും ഓൾ കേരള പ്രൈവറ്റ് ബാങ്കേഴ്സ് അസോസിയേഷൻ ജില്ലാ സമ്മേളനം ആവശ്യപ്പെട്ടു. ബേക്കൽ ഇന്റർനാഷണൽ ഹോട്ടൽ ഹാളിൽ സംസ്ഥാന ജനറൽ സെക്രട്ടറി കെ.കെ ഗോപു ഉദ്ഘാടനം ചെയ്തു. സംസ്ഥാന ട്രഷറർ ജയചന്ദ്രൻ മറ്റപ്പള്ളി മുഖ്യപ്രഭാഷണം നടത്തി. ജില്ലാ പ്രസിഡന്റ് കെ.ജി മധുസൂദനൻ അദ്ധ്യക്ഷനായി. ജില്ലാ എക്സിക്യൂട്ടീവ് അംഗം പി. ജയചന്ദ്രൻ സ്വാഗതവും കെ. സുകുമാരൻ നന്ദിയും പറഞ്ഞു. ഭാരവാഹികൾ: കെ.എസ്. അനൂപ് രാജ് (പ്രസിഡന്റ് ), ജി. അരുൺ ദാസ് (വൈസ് പ്രസിഡന്റ്), പി. ജയചന്ദ്രൻ (സെക്രട്ടറി, ടി.പി. സനൽ (ജോയിന്റ് സെക്രട്ടറി), കെ. സുകുമാരൻ (ട്രഷറർ).