പെരിയ: ദേശീയ ലൈബ്രേറിയൻസ് ദിനാഘോഷത്തിന്റെ ഭാഗമായി കേരള കേന്ദ്ര സർവകലാശാലയിൽ ലൈബ്രറി വിഭാഗത്തിന്റെ ആഭിമുഖ്യത്തിൽ പരിശീലന പരിപാടി സംഘടിപ്പിച്ചു. അക്കാദമിക് പബ്ലിഷിംഗ് ജേർണൽസ്, മെട്രിക്സ് ആൻഡ് വിസിബിലിറ്റി എന്ന വിഷയത്തിൽ സംഘടിപ്പിച്ച പരിപാടി വൈസ് ചാൻസലർ ഇൻ ചാർജ്ജ് പ്രൊഫ.ജോസഫ് കോയിപ്പള്ളി ഉദ്ഘാടനം ചെയ്തു. ഐ.ക്യു.എ.സി ഡയറക്ടർ പ്രൊഫ.എ.മാണിക്കവേലു, അസിസ്റ്റന്റ് ലൈബ്രേറിയൻ കിഷോർ എന്നിവർ സംസാരിച്ചു. ഡപ്യൂട്ടി ലൈബ്രേറിയൻ ഡോ.പി.സെന്തിൽ കുമരൻ സ്വാഗതവും ഇൻഫർമേഷൻ സയന്റിസ്റ്റ് ശ്രുതി കെ.വി. നന്ദിയും പറഞ്ഞു. കുസാറ്റ് അസിസ്റ്റന്റ് ലൈബ്രേറിയൻ ഡോ.സുരേന്ദ്രൻ ചെറുകോടൻ ക്ലാസ്സെടുത്തു. കെ.പി.ശ്രീജ അശോക് തോമസ്, അബ്ദുൾ ജസീം, പ്രിയ , പ്രൊഫ.വിൻസെന്റ് മാത്യു, എം.ജയരാമ, സുരേന്ദ്ര എന്നിവർക്ക് വിവിധ അവാർഡുകളും വിതരണം ചെയ്തു.