പിലാത്തറ:ജില്ലാ വനിതാ ശിശു വികസന വകുപ്പ്, ഡിസ്ട്രിക്ട് സങ്കൽപ് ഹബ് ഫോർ എംപവർമെന്റ് ഓഫ് വുമൺ എന്നിവയുടെ ആഭിമുഖ്യത്തിൽ 100 ദിന ബോധവൽക്കരണ പരിപാടിയുടെ ഭാഗമായി പിലാത്തറ സെന്റ് ജോസഫ് കോളേജിൽ 'ജെൻഡർ സെൻസിറ്റൈസേഷൻ' എന്ന വിഷയത്തെക്കുറിച്ച് ബോധവത്കരണ ക്ലാസ് സംഘടിപ്പിച്ചു. മാനേജർ റവ.ഫാ. ജോൺ ഫൗസ്റ്റോ ഉദ്ഘാടനം ചെയ്തു. മോട്ടിവേഷൻ സ്പീക്കറും എക്സൽ ട്രെയിനിംഗ് അക്കാഡമി ഡയറക്ടറുമായ ഷൈജിത്ത് കരുവാക്കോട് ക്ലാസെടുത്തു. കോളേജ് വൈസ് പ്രിൻസിപ്പാൾ ഡോ.സുഭാഷ് ജോൺ, ജില്ലാ വനിതാ ശിശുവികസന ഓഫീസ് ഡിസ്ട്രികറ്റ് സങ്കൽപ്പ് ഹബ്ബ് കോർഡിനേറ്റർ ആര്യ സുകുമാരൻ, ജെന്റർ സ്‌പെഷ്യലിസ്റ്റ് അരുൺ കെ.തമ്പാൻ, സിസ്റ്റർ റെജി കുര്യാക്കോസ്, അമൃത ലക്ഷ്മൺ, അനാമിക, എന്നിവർ പ്രസംഗിച്ചു.