കണ്ണൂർ:തളാപ്പ് ശ്രീ സുന്ദരേശ്വരക്ഷേത്രത്തിൽ ശ്രീ ഭക്തി സംവർദ്ധിനി യോഗത്തിന്റെ ആഭിമുഖ്യത്തിൽ ശ്രീ നാരായണ ഗുരു ദേവ ജയന്തി വിപുലമായി ആഘോഷിക്കും.ഇരുപതിന് രാവിലെ വിവിധ പൂജകളും തുടർന്ന് വൈകീട്ട് മൂന്നരക്ക് കണ്ണൂർ ശ്രീനാരായണ പാർക്കിൽ നിന്നും ശ്രീ സുന്ദരേശന് ക്ഷേത്രത്തിലേക്ക് ചതയദിന ഘോഷയാത്രയും പുറപ്പെടും. മുനീശ്വരൻ കോവിൽ,തെക്കീ ബസാർ,ചേനോളി റോഡ് വഴി ക്ഷേത്രത്തിൽ എത്തിച്ചേരും. വൈകീട്ട് അഞ്ചിന് സാംസ്കാരിക സമ്മേളനത്തിൽ ശ്രീ ഭക്തിസംവർദ്ധിനി യോഗം പ്രസിഡന്റ് കെ.പി.ബാലകൃഷ്ണൻ അദ്ധ്യക്ഷത വഹിക്കും.തുടർന്ന് ഗുരുദേവ ദർശനം എന്ന വിഷയത്തിൽ മുകേഷ് കുളമ്പുക്കാട്ട് പ്രഭാഷണം നടത്തും.ജയന്തി മത്സര വിജയികൾക്കുള്ള സമ്മാനദാനം കണ്ണൂർ ശ്രീനാരായണ വിദ്യാമന്ദിർ പ്രിൻസിപ്പാൾ സ്മിത ശ്രീനിവാസ് നിർവഹിക്കും.തുടർന്ന് ശീവേലി എഴുന്നള്ളത്തും ദീപാരാധനയും നടക്കും. രാത്രി 7.30ന് നൃത്ത സംഗീത സന്ധ്യ.