പനത്തടി: റാണീപുരം റോഡിൽ തുടർച്ചയായി വാഹനാപകടങ്ങൾ സംഭവിക്കുന്ന സാഹചര്യത്തിൽ വനം വകുപ്പിന്റെയും റാണിപുരം വനസംരഷണ സമിതിയുടെയും നേതൃത്വത്തിൽ പനത്തടി ടൗണിൽ സഞ്ചരികൾക്കായി ബോധവത്കരണ പരിപാടി സംഘടിപ്പിച്ചു. മുൻ പരപ്പ ബ്ലോക്ക് പഞ്ചായത്ത് പ്രസിഡന്റ് പി. രാജൻ ഉദ്ഘാടനം ചെയ്തു. വന സംരക്ഷണ സമിതി പ്രസിഡന്റ് എസ്. മധുസൂദനൻ അദ്ധ്യക്ഷതവഹിച്ചു. ബളാന്തോട് ഗവ. ഹയർ സെക്കൻഡറി സ്കൂൾ പി.ടി എ പ്രസിഡന്റ് കെ.എൻ വേണു, വനസംരക്ഷണ സമിതി ട്രഷറർ എം.കെ സുരേഷ്, കമ്മിറ്റിയംഗങ്ങളായ എൻ. മോഹനൻ, ടിറ്റോ വരകുകാലായിൽ, ബീറ്റ് ഫോറസ്റ്റ് ഓഫീസർമാരായ ആർ.കെ രാഹുൽ, ഡി. വിമൽരാജ്, വിഷ്ണു കൃഷ്ണൻ, ജി.എസ് പ്രവീൺ കുമാർ, വി. വിനീത് ഓട്ടോ തൊഴിലാളി പ്രതിനിധി എ. സതീഷ് കുമാർ എന്നിവർ നേതൃത്വം നല്കി.