കണ്ണൂർ: പൊടിക്കുണ്ടിൽ ഓടിക്കൊണ്ടിരിക്കുന്ന സ്‌കൂട്ടറിന് തീപിടിച്ച് സ്‌കൂട്ടർ പൂർണമായി കത്തിനശിച്ചു. കണ്ണാടിപറമ്പ് സ്വദേശി മൊയ്തീന്റെ ടിവിഎസ് വീഗോ സ്‌കൂട്ടറിനാണ് തീപിടിച്ചത്. ഇന്നലെ ഉച്ചയ്ക്ക് 1.40 ഓടെയാണ് മൊയ്തീൻ കണ്ണാടിപറമ്പിൽ നിന്നും സുഹൃത്തുമായി കണ്ണൂരിലേക്ക് പോകവെയാണ് സംഭവം. പൊടിക്കുണ്ടിൽ എത്തിയപ്പോൾ സ്‌കൂട്ടർ പെട്ടന്ന് ഓഫാകുകയായി. തുടർന്ന് റോഡ് സൈഡിലേക്ക് സ്‌കൂട്ടർ മാറ്റവെ തീയാളിപടരുകയായിരുന്നു. കണ്ണൂരിൽ നിന്നുള്ള അഗ്നിശമന സേനാ അസിസ്റ്റന്റ് സ്റ്റേഷൻ ഓഫീസർ അനിൽകുമാറിന്റെ നേതൃത്വത്തിലുള്ള സംഘമെത്തിയാണ് തീയണച്ചത്. സംഭവ സമയം മൊയ്തീനും സുഹൃത്തും സ്‌കൂട്ടറിൽ നിന്ന് ഇറങ്ങിയത് കൊണ്ട് ആളപായമുണ്ടായില്ല.