മാഹി: പുതുച്ചേരി സാമൂഹിക ക്ഷേമ വകുപ്പുമായി സഹകരിച്ച് ഭിന്നശേഷിക്കാരുടെ മാഹിയിലെ കൂട്ടായ്മയായ കരുണ അസോസിയേഷന്റെ നേതൃത്വത്തിലുള്ള വാർഡുതല യോഗത്തിന് മാഹിയിൽ തുടക്കമായി. മാഹി ശ്രീനാരായണ കേളേജിൽ നടന്ന യോഗത്തിൽ മഞ്ചക്കൽ, പുഴിത്തല, വളവിൽ, ചൂടിക്കൊട്ട അങ്കണവാടികളിൽ നിന്നുള്ള ഭിന്നശേഷിക്കാരുടെ യോഗമാണ് നടന്നത്. ഭിന്നശേഷിക്കാരുടെ പ്രശ്നങ്ങൾ ചർച്ച ചെയ്യുകയും അവരുടെ അവകാശങ്ങളെ കുറിച്ചും സംസാരിക്കുകയും ചെയ്തു. ചെമ്പ്ര, ചാലക്കര, പള്ളൂർ, പന്തക്കൽ കേന്ദ്രീകരിച്ച് അടുത്ത ദിവസങ്ങളിൽ യോഗം നടക്കും. മാഹി തണൽ സ്‌പെഷ്യൽ സ്‌കൂൾ അദ്ധ്യാപകൻ സുജിൻ ഓർക്കട്ടേരി മോട്ടിവേഷൻ ക്ലാസ് നൽകി ഉദ്ഘാടനം ചെയ്തു. കരുണ അസോസിയേഷൻ പ്രസിഡന്റ് സുരേഷ് ബാബു അദ്ധ്യക്ഷത വഹിച്ചു. ശിവൻ തിരുവങ്ങാട് പ്രവർത്തനങ്ങളെപ്പറ്റി വിശദീകരിച്ചു. സജീർ ചെറുകല്ലായി, രതി കോട്ടായി, എം.പി ഷാജഹാൻ, പി.കെ നസ്രത്ത്, കെ.പി സുരേന്ദ്രൻ സംസാരിച്ചു.