കണ്ണൂർ: അഴീക്കോട് മണ്ഡലത്തിൽ ലഹരി മാഫിയക്കെതിരെ നടപടികൾ ശക്തമാക്കാൻ പഞ്ചായത്ത് തല യോഗങ്ങൾ വിളിച്ചു ചേർക്കാൻ കണ്ണൂർ എക്സൈസ് സർക്കിൾ ഓഫിസിന്റെ ആഭിമുഖ്യത്തിൽ ചേർന്ന മണ്ഡലം തല ലഹരി വിരുദ്ധ അവലോകന കമ്മിറ്റി യോഗം തീരുമാനിച്ചു. ചിറക്കൽ കോ ഓപ്പറേറ്റീവ് ബാങ്ക് ഓഡിറ്റോറിയത്തിൽ യോഗം കെ.വി സുമേഷ് എം.എൽ.എ ഉദ്ഘാടനം ചെയ്തു. എക്സൈസ് സർക്കിൾ ഇൻസ്പെക്ടർ പി.പി ജനാർദ്ദനൻ അദ്ധ്യക്ഷത വഹിച്ചു. ലഹരിക്കെതിരെ എൻഫോഴ്സ്‌മെന്റ് പ്രവർത്തനം ശക്തമാക്കാനും വിവിധ രാഷ്ട്രീയ പാർട്ടി പ്രതിനിധികളെയും, വ്യാപാര സംഘടന പ്രതിനിധികളെയും, ക്ലബ്ബുകളെയും ഉൾപ്പെടുത്തി പഞ്ചായത്ത് തല അടിയന്തരയോഗം വിളിച്ചു ചേർക്കാനും തീരുമാനിച്ചു. വിവിധ രാഷ്ട്രീയ പാർട്ടി പ്രതിനിധികൾ, യുവജന സംഘടനാ പ്രതിനിധികൾ, ട്രേഡ് യൂണിയൻ പ്രതിനിധികൾ, വിവിധ വകുപ്പ് പ്രതിനിധികൾ, പഞ്ചായത്ത് പ്രസിഡന്റുമാർ തുടങ്ങിയവർ പങ്കെടുത്തു.