ചിറക്കൽ: കേരള നവോത്ഥാന പ്രസ്ഥാനത്തിന് ഊർജ്ജവും ശക്തിയും നൽകിയ ധീരനായ പോരാളിയാണ് മഹാത്മ അയ്യൻകാളിയെന്ന് ദളിത്‌ കോൺഗ്രസ് സംസ്ഥാന ഉപാദ്ധ്യഷൻ അജിത്ത് മാട്ടൂൽ പറഞ്ഞു. മഹാത്മ അയ്യൻകാളിയുടെ 161-ാമത് ജന്മവാർഷിക ദിനമായ ഇന്നലെ ചിറക്കൽ ബ്ലോക്ക്‌ കോൺഗ്രസ് കമ്മറ്റി പള്ളിക്കുന്നിൽ സംഘടിപ്പിച്ച നവോത്ഥാന ദിനം, ഉദ്ഘാടനം ചെയ്യുകയായിരുന്നു അദ്ദേഹം. ബ്ലോക്ക്‌കോൺഗ്രസ് കമ്മറ്റി പ്രസിഡന്റ് കൂക്കിരി രാജേഷ് അദ്ധ്യക്ഷത വഹിച്ചു. ഡി.സി.സി ജനറൽ സെക്രട്ടറി കെ. ബാലകൃഷ്ണൻ മുഖ്യപ്രഭാഷണം നടത്തി. കെ. മോഹനൻ സ്വാഗതവും രാഗേഷ് കുഞ്ഞിപ്പള്ളി നന്ദിയും പറഞ്ഞു. പി.ഒ ചന്ദ്രമോഹൻ, വിഹാസ് അത്താഴക്കുന്ന്, ടി.പി. രാജീവൻ, എൻ.വി. പ്രദീപ്, യു. ഹംസ ഹാജി, ഉഷാകുമാരി, സുനീഷ്, ആശാ രാജിവൻ, വി.സി.രാധാകൃഷ്ണൻ, മഹേഷ് കാഞ്ഞിരത്തറ, പ്രീത ചിറക്കൽ, പ്രേം പ്രകാശ്, എ.വി. നാരായണൻ, ഷൈജ രാഗേഷ്, ജയപാലൻ തുടങ്ങിയവർ നേതൃത്വം നൽകി.