കോഴിക്കോട്: തദ്ദേശ സ്വയംഭരണ സ്ഥാപനങ്ങളുമായി ബന്ധപ്പെട്ട പരാതികൾ പരിഹരിക്കുന്നതിനുള്ള ജില്ലാതല അദാലത്ത് സെപ്തംബർ 6,7 തിയതികളിൽ കോഴിക്കോട് മുഹമ്മദ് അബ്ദുറഹ്മാൻ സാഹിബ് മെമ്മോറിയൽ ജൂബിലി ഹാളിൽ (കണ്ടംകുളം ജൂബിലി ഹാൾ) നടക്കും. രാവിലെ 8.30 മുതൽ രജിസ്‌ട്രേഷൻ തുടങ്ങും. തദ്ദേശസ്വയംഭരണ സ്ഥാപനങ്ങളിൽ നൽകിയ തീർപ്പാക്കാതെ അപേക്ഷകൾ, തദ്ദേശ സ്വയംഭരണ മന്ത്രിയ്ക്ക് ലഭിച്ച നിവേദനങ്ങൾ, നിവേദനങ്ങൾ ബിൽഡിംഗ് പെർമിറ്റ്, ക്ലംപ്ലീഷൻ, ക്രമവത്ക്കരണം, വ്യാപാര- വാണിജ്യ- വ്യവസായ സേവന ലൈസൻസുകൾ, സിവിൽ രജിസ്‌ട്രേഷൻ, നികുതികൾ, ഗുണഭോക്തൃ പദ്ധതികൾ, സാമൂഹ്യ സുരക്ഷ പെൻഷനുകൾ, മാലിന്യ സംസ്‌ക്കരണം, തുടങ്ങിയവയുമായി ബന്ധപ്പെട്ട പരാതികളാണ് പരിഗണിക്കുന്നത്.