കോഴിക്കോട്: ട്രോളിംഗ് നിരോധനം കഴിഞ്ഞിട്ടും കുറയാതെ നിൽക്കുന്ന മീൻ വിലയ്ക്ക് ആശ്വാസമായി കോഴിവില. രണ്ടാഴ്ച മുമ്പ് 260 ആയിരുന്നത് കുത്തനെ കുറഞ്ഞ് 140ൽ എത്തി. വരും ​ദിവസങ്ങളിൽ വില ഇനിയും കുറയുമെന്നാണ് കച്ചവടക്കാർ പറയുന്നത്. കോഴിക്ക് 100 രൂപയും കോഴിയിറച്ചിക്ക് 140രൂപയുമാണ് റീട്ടെയിൽ വില.

അന്യസംസ്ഥാനങ്ങളിൽ നിന്നുള്ള കോഴി വരവ് ഉയർന്നതും പ്രാദേശിക ഉത്പാദനം കൂടിയതുമാണ് വില കുറയാൻ കാരണമായത്. നി​ര​ക്കി​ൽ മാ​റ്റം ഉ​ണ്ടാ​കും​വ​രെ വ​ള​ർ​ച്ച​യെ​ത്തി​യ കോഴികളെ ഫാ​മു​ക​ളി​ൽ നി​ർ​ത്തു​ന്ന​ത് തീ​റ്റ ഇ​ന​ത്തി​ൽ ക​ർ​ഷ​ക​ർക്ക് നഷ്ട​മു​ണ്ടാ​ക്കുന്നതിനാൽ എത്രയും വേഗം വിപണിയിലെത്തിക്കുകയാണ് കർഷകർ. കോ​ഴി​ക്കു​ഞ്ഞി​ന്റെ വി​ല, തീ​റ്റ, മ​രു​ന്ന്, പരിചരണച്ചെ​ല​വ് എ​ന്നി​വ പ്ര​കാ​രം ഒ​രു​കി​ലോ കോ​ഴി ഉത്പാദിപ്പി​ക്കാ​ൻ 90 മു​ത​ൽ 100 രൂ​പ വ​രെ ക​ർ​ഷ​ക​ന് ചെലവു വരും. ഇ​നി ഓ​ണ​ത്തോ​ട​നു​ബ​ന്ധി​ച്ച് മാ​ത്ര​മേ വി​ല​യി​ൽ കാര്യ​മാ​യ മാ​റ്റം പ്രതീ​ക്ഷി​ക്കാ​നാ​വൂ എ​ന്നാ​ണ് കച്ച​വ​ട​ക്കാ​ർ പ​റ​യു​ന്ന​ത്. കേരളത്തിൽ ചെറുതും വലുതുമായ കൂടുതൽ ഫാമുകൾ പ്രവർത്തനം തുടങ്ങിയതും വില കുറയാൻ കാരണമായി.

മത്തിയ്ക്ക് ഇപ്പോഴും

പൊന്നുംവില

ട്രോളിംഗ് നിരോധനം കഴിഞ്ഞിട്ടും മത്തിയ്ക്ക് വില കുറഞ്ഞില്ല. നിരോധനസമയത്ത് 360 - 400 ആയിരുന്ന മത്തി 280- 300 ൽ നിൽക്കുകയാണ്. മത്തിയൊഴികെ മറ്റു മീനുകൾക്കെല്ലാം താരതമ്യേന വില കുറഞ്ഞിട്ടുണ്ട്.

ഇപ്പോഴത്തെ വില ട്രോളിംഗ് നിരോധന സമയത്ത്

ചെമ്മീൻ - 200 - 300

കിളിമീൻ - 160 - 240

അയല - 200 - 240 - 300

ആവോലി - 300 - 600

‌ഞണ്ട് - 300 - 400

ചൂട - 100 - 280

പെട്ടെന്നുള്ള വിലക്കുറവ് കോഴി ഫാം നടത്തിപ്പുകരെ പ്രതികൂലമായി ബാധിച്ചിട്ടുണ്ട്. 65 രൂപയ്ക്കാണ് ഫാമുകളിൽനിന്ന് ഏജന്റുമാർ കോഴികളെ വാങ്ങുന്നത്. മഴക്കാലത്ത് ഇത് സ്ഥിരം ഉണ്ടാവാറുണ്ടെങ്കിലും സമീപകാലത്തെ ഏറ്റവും കുറഞ്ഞ നിരക്കാണിത്.

എം താജുദ്ദീൻ

പ്രസിഡന്റ്, ഓൾ കേരള പൗൾട്രി ഫെഡറേഷൻ (എ.കെ.പി.എഫ്)