കോഴിക്കോട്: സ്വാതന്ത്ര്യ ദിനത്തിൽ വനം മന്ത്രി എ.കെ ശശീന്ദ്രൻ വെസ്റ്റ്ഹിൽ വിക്രം മൈതാനിയിൽ രാവിലെ ഒമ്പതിന് ദേശീയപതാക ഉയർത്തും. ജില്ലാ കളക്ടർ സ്നേഹിൽ കുമാർ സിംഗ്, കോഴിക്കോട് സിറ്റി പൊലീസ് കമ്മിഷണർ, കോഴിക്കോട് റൂറൽ എസ്.പി എന്നിവർ പങ്കെടുക്കും. പൊലീസ്, ആർമി, എൻ.സി.സി സീനിയർ ഗേൾസ്, എൻ.സി.സി സീനിയർ ബോയ്സ്, എൻ.സി.സി സീനിയർ നേവി, എൻ.സി.സി ജൂനിയർ നേവി, എൻ.സി.സി ജൂനിയർ ഗേൾസ്, എൻ.സി.സി ജൂനിയർ ബോയ്സ് തുടങ്ങി 11 പ്ലാറ്റൂണുകളുടെ പരേഡ് ഉണ്ടാകും. എക്സൈസ്, അഗ്നിശമന സേന, അഗ്നിശമന സേന സിവിൽ ഡിഫെൻസ്, വനം, സ്കൗട്ട്സ് ആൻഡ് ഗൈഡ്സ്, ജൂനിയർ റെഡ് ക്രോസ്, എസ്.പി.സി, കേന്ദ്രീയ വിദ്യാലയം എന്നിവരുടെ സംഘങ്ങളും പരേഡിൽ അണിനിരക്കും. പരേഡ് കമാൻഡർ മന്ത്രിയ്ക്ക് റിപ്പോർട്ട് ചെയ്തശേഷം മന്ത്രി പരേഡ് പരിശോധിക്കും. വിദ്യാർത്ഥികളുടെ സംസ്കാരിക പരിപാടികളും ഉണ്ടാകും.