വടകര: മുക്കാളി റെയിൽവേ സ്റ്റേഷൻ അടച്ചുപൂട്ടാനുളള നീക്കം റെയിൽവേ ഉപേക്ഷിക്കണമെന്ന് ആവശൃപ്പെട്ട് രാഷ്ട്രീയ ജനതാദൾ ജനപ്രതിനിധികളായ പ്രമോദ് മാട്ടാണ്ടി, നിഷാ പുത്തൻ പുരയിൽ, റീനാരയരോത്ത് എന്നിവരുടെ നേതൃത്വത്തിൽ നടത്തിയ ഉപവാസവും ഒപ്പ് ശേഖരണവും ആർ.ജെ.ഡി ജില്ലാ പ്രസിഡന്റ് എം.കെ.ഭാസ്കരൻ ഉദ്ഘാടനം ചെയ്തു. ആർ.ജെ.ഡി.അഴിയൂർ പഞ്ചായത്ത് പ്രസിഡന്റ് കൈപ്പാട്ടിൽ ശ്രീധരൻ അദ്ധ്യക്ഷത വഹിച്ചു. കെ.പി.മോഹനൻ എം.എൽ.എ, ആർ.വൈ.ജെ.ഡി ജില്ല പ്രസിഡന്റ് കിരൺജിത്ത് , അഴിയൂർ പഞ്ചായത്ത് അംഗം സാലിം പുനത്തിൽ, ടി.ടി.പത്മനാഭൻ, സുനീഷ്,പി.വി , മഹേഷ്ബാബു, എൻ.പി അജേഷ് മുക്കാളി, ലിനീഷ്. പി,പി, ഉഷാചാത്തൻ കണ്ടി എന്നിവർ പ്രസംഗിച്ചു. ആർ.ജെ.ഡി സംസ്ഥാന ജനറൽ സെക്രട്ടറി മനയത്ത് ചന്ദ്രൻ നാരങ്ങാനീര് നൽകി ഉപവാസം അവസാനിപ്പിച്ചു.