വടകര: കുടുംബശ്രീ ജില്ലാമിഷന്റെ ആഭിമുഖ്യത്തിൽ ചോറോട് ബഡ്സ് സ്കൂളിൽ ബഡ്സ് ദിനാചരണത്തോടനുബന്ധിച്ച്‌ രക്ഷകർതൃ ബോധവത്കരണ ക്ലാസ് നടത്തി. ഗ്രാമപഞ്ചായത്ത് പ്രസിഡന്റ് ചന്ദ്രശേഖരൻ ഉദ്ഘാടനം ചെയ്തു. ക്ഷേമകാര്യ സ്റ്റാൻഡിംഗ് കമ്മിറ്റി ചെയർപേഴ്സൺ ശ്യാമള പൂവേരി അദ്ധ്യക്ഷത വഹിച്ചു. ബ്ലോക്ക്‌ കൗൺസിലർ അതുല്യ പി ക്ലാസെടുത്തു. വികസന സ്റ്റാൻഡിംഗ് കമ്മിറ്റി ചെയർമാൻ കെ.മധുസൂദനൻ, ആരോഗ്യ സ്റ്റാൻഡിങ് കമ്മിറ്റി ചെയർമാൻ സി. നാരായണൻ, ജിഷ പനങ്ങാട്ട് , സജിതകുമാരി സി. കെ , ബിന്ദു.ടി , പ്രസാദ് വിലങ്ങിൽ, രമ്യ എം.ടി. കെ ആർ പി അനഘ, അനിത.കെ പ്രേമ കെ. എം പ്രസംഗിച്ചു.