കോ​ഴി​ക്കോ​ട് ​:​ ​വ്യാ​പാ​രി​ക​ളെ​ ​പാ​ള​യ​ത്ത് ​നി​ന്ന് ​ഒ​ഴി​പ്പി​ക്കു​മെ​ന്ന് ​കോ​ർ​പ്പ​റേ​ഷ​നും​ ​ഒ​ഴി​യി​ല്ലെ​ന്ന് ​ക​ച്ച​വ​ട​ക്കാ​രും​ ​നിലപാട് കടുപ്പിച്ചതോടെ​ ​പാ​ള​യം​ ​പ​ഴം​-​ ​പ​ച്ച​ക്ക​റി​ ​മാ​ർ​ക്ക​റ്റ് ​ക​ല്ലു​ത്താ​ൻ​ക​ട​വി​ലേ​ക്ക് ​മാ​റ്റു​ന്ന​ത് ​അ​നി​ശ്ചി​ത​ത്വ​ത്തി​ൽ.​ ​ക​ല്ലു​ത്താ​ൻ​ ​ക​ട​വി​ലേ​ക്ക് ​മാ​റ​ണ​മെ​ന്ന് ​ആ​വ​ശ്യ​പ്പെ​ട്ട് ​കോ​ർ​പ്പ​റേ​ഷ​ൻ​ ​ക​ച്ച​വ​ട​ക്കാ​ർ​ക്ക് ​നോ​ട്ടീ​സ് ​ന​ൽ​കി​യി​രു​ന്നു.​ ​വി​ഷ​യ​ത്തി​ൽ​ ​ക​ച്ച​വ​ട​ക്കാ​രു​മാ​യി​ ​സം​സാ​രി​ക്കാ​ൻ​ ​കോ​ർ​പ്പ​റേ​ഷ​ൻ​ ​ഇ​ന്ന​ലെ​ ​തീ​രു​മാ​നി​ച്ച​ ​ഹി​യ​റിം​ഗ് ​ത​ർ​ക്ക​ത്തി​ൽ​ ​മു​ട​ങ്ങി.
വ്യാ​പാ​രി​ ​വ്യ​വ​സാ​യി​ ​ഏ​കോ​പ​ന​ ​സ​മി​തി​ ​നേ​താ​ക്ക​ളു​മാ​യി​ ​ക​ച്ച​വ​ട​ക്കാ​ർ​ ​ഹി​യ​റിം​ഗി​ന് ​എ​ത്തി​യ​പ്പോ​ൾ​ ​നേ​താ​ക്ക​ൾ​ക്കൊ​പ്പം​ ​കാ​ണാ​ൻ​ ​താ​ത്പ​ര്യ​മി​ല്ലെ​ന്ന് ​അ​റി​യി​ച്ച​ ​ഡെ​പ്യൂ​ട്ടി​ ​മേ​യ​ർ​ ​മു​സാ​ഫി​ർ​ ​അ​ഹ​മ്മ​ദ് ​വ്യാ​പാ​രി​ക​ളു​മാ​യി​ ​സം​സാ​രി​ക്കാ​ൻ​ ​ത​യ്യാ​റാ​ണെ​ന്നും​ ​വ്യ​ക്ത​മാ​ക്കി.​ ​എ​ന്നാ​ൽ​ ​ഇ​ത് ​അം​ഗീ​ക​രി​ക്കാ​ൻ​ ​വ്യാ​പാ​രി​ക​ൾ​ ​ത​യ്യാ​റാ​യി​ല്ല.​ ​​നേ​താ​ക്ക​ളു​മാ​യി​ ​ച​ർ​ച്ച​ ​ന​ട​ത്ത​ണ​മെ​ന്നും​ ​ആ​വ​ശ്യ​പ്പെ​ട്ടു.​ ​ഇ​തി​ന്റെ​ ​പേ​രി​ൽ​ ​വാ​ക്കേ​റ്റ​മു​ണ്ടാ​യി.​ ​പൊ​ലീ​സ് ​സ്ഥ​ല​ത്തെ​ത്തി​യെ​ങ്കി​ലും​ ​ക​ച്ച​വ​ട​ക്കാ​രെ​ ​അ​നു​ന​യി​പ്പി​ക്കാ​ൻ​ ​സാ​ധി​ച്ചി​ല്ല.​ ​സം​ഘ​ർ​ഷം​ ​ക​ണ​ക്കി​ലെ​ടു​ത്ത് ​കോ​ർ​പ്പ​റേ​ഷ​ൻ​ ​ഓ​ഫീ​സി​ന് ​പൊ​ലീ​സ് ​സു​ര​ക്ഷ​വ​ല​യം​ ​തീ​ർ​ത്തു.​ ​ഹി​യ​റിം​ഗ് ​ബ​ഹി​ഷ്‌​ക്ക​രി​ച്ച​ ​വ്യാ​പാ​രി​ക​ൾ​ ​കോ​ർ​പ്പ​റേ​ഷ​ന് ​മു​ന്നി​ൽ​ ​പ്ര​ക​ട​നം​ ​ന​ട​ത്തി.​ ​ജി​ല്ലാ​ ​ജ​ന​റ​ൽ​ ​സെ​ക്ര​ട്ട​റി​ ​ബി.​സു​നി​ൽ​കു​മാ​ർ​ ​ഉ​ദ്ഘാ​ട​നം​ ​ചെ​യ്തു.

 മാർക്കറ്റ് മാറ്റാൻ അനുവദിക്കില്ല

പാളയത്ത് നിന്ന് മാർക്കറ്റ് മാറ്റാൻ അനുവദിക്കില്ലെന്ന നിലപാടിലാണ് വ്യാപാരികൾ. മാർക്കറ്റ് മാറ്റുന്നത് വ്യാപാരത്തേയും പാളയത്ത് പ്രവർത്തിക്കുന്ന മറ്റ് വ്യാപാര കേന്ദ്രങ്ങളേയും ബാധിക്കും. പഴം-പച്ചക്കറി കടകൾ ഉൾപ്പടെ 500 ഷോപ്പുകളാണ് നിലവിലുള്ളത്. നിരവധി കുടുംബങ്ങളുടെ ഉപജീവന മാർഗം ഇല്ലാതാക്കുന്ന നടപടിയിൽ നിന്ന് കോർപ്പറേഷൻ പിന്മാറണമെന്നാണ് കച്ചവടക്കാരുടെ ആവശ്യം. കോർപ്പറേഷന് കെട്ടിടവാടക നൽകിയാൽ തുച്ഛമായ പണമാണ് ബാക്കിയുണ്ടാകുക. ഈയൊരു സാഹചര്യത്തിൽ സ്വകാര്യ കമ്പനി നിശ്ചയിക്കുന്ന വാടക താങ്ങാൻ കഴിയില്ലെന്നും വ്യാപാരികൾ പറയുന്നു.

 പ്രവൃത്തി അന്തിമഘട്ടത്തിൽ

കല്ലുത്താൻ കടവിലെ പുതിയ കെട്ടിടത്തിന്റെ നിർമാണപ്രവൃത്തി അന്തിമഘട്ടത്തിലാണ്. അഞ്ചരയേക്കറോളം വരുന്ന സ്ഥലത്ത് കല്ലുത്താൻ കടവ് ഡെവലപ്‌മെന്റ് സൊസൈറ്റിക്കാണ് നിർമ്മാണ ചുമതല. രണ്ടരലക്ഷം ചതുരശ്ര അടി വിസ്തൃതിയിൽ നിർമ്മിക്കുന്ന മാർക്കറ്റിൽ 100 ചില്ലറ വിൽപ്പനക്കാർക്കും 33 മൊത്തക്കച്ചവടക്കാർക്കും പ്രവർത്തിക്കാനുള്ള സൗകര്യമുണ്ട്.

 29 ന് പ്രതിഷേധം

''കല്ലുത്താൻകടവിലെ കെട്ടിടത്തിൽ പുതിയ വ്യാപാരികളെയാണ് എത്തിക്കേണ്ടത്. കച്ചവടക്കാരെ വ്യക്തിപരമായി വിളിച്ച് സംസാരിക്കുന്നത് ചതിയുടെ ഭാഗമാണ്. 29 ന് വ്യാപാരി വ്യവസായി ഏകോപന സമിതി, കച്ചവടക്കാർ എന്നിവരുടെ നേതൃത്വത്തിൽ കോർപറേഷൻ ഓഫീസിലേക്ക് പ്രതിഷേധം സംഘടിപ്പിക്കും''-മനാഫ് കാപ്പാട്, വ്യാപാരി വ്യവസായി ഏകോപനസമിതി ജില്ലാ വൈസ് പ്രസിഡന്റ്

'' കച്ചവടക്കാരുടെ യോഗമല്ല വിളിച്ചത്. ലെെസൻസുമായി ബന്ധപ്പെട്ട ഹിയറിംഗ് ആയിരുന്നു. അതിനാലാണ് കച്ചവടക്കാരെ ഒറ്റയ്ക്ക് കാണണമെന്ന് ആവശ്യപ്പെട്ടത്. ഡിസംബറോടെ കച്ചവടക്കാരെ മാറ്റാനാണ് തീരുമാനം ''- സി.പി മുസാഫിർ അഹമ്മദ്, ഡെപ്യൂട്ടി മേയർ