പാലാ: അന്യസംസ്ഥാന തൊഴിലാളികൾ താമസിക്കുന്ന വീടിനുള്ളിൽ മോഷണം നടത്താൻ ശ്രമിച്ച യുവാവ് പിടിയിൽ. പാലാ ളാലം ഇലവുങ്കൽ സെബിൻ (27) നെയാണ് പാലാ പൊലീസ് അറസ്റ്റ് ചെയ്തത്. പയപ്പാർ ഭാഗത്തെ തൊഴിലാളികളുടെ വീട്ടിൽ അതിക്രമിച്ചു കയറി ഇവിടെയുണ്ടായിരുന്ന തൊഴിലാളികളുടെ ബാഗുകൾ മറ്റും തുറന്നു പരിശോധിക്കുന്നതിനിടെ വീട്ടുടമസ്ഥൻ കാണുകയും ഉടൻ പൊലീസിൽ വിവരമറിയുകയുമായിരുന്നു. . സ്റ്റേഷൻ എസ്.ഐമാരായ നൗഷാദ്, രാജീവ് മോൻ, സി.പി.ഒ അഖിലേഷ് എന്നിവർ ചേർന്നാണ് അറസ്റ്റ് ചെയ്തത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.