കോട്ടയം : വയനാട്ടിലെ ദുരിതബാധിതരെ പുനരധിവസിപ്പിക്കാൻ സർക്കാർ നടപ്പാക്കുന്ന പദ്ധതിയുടെ വിജയത്തിനായി മുഖ്യമന്ത്രിയുടെ ദുരിതാശ്വാസനിധിയിലേക്ക് സി.പി.എം ജില്ലാ കമ്മിറ്റി അംഗങ്ങളുടെ വിഹിതവും പാർട്ടി ഫണ്ടും ചേർത്ത് അഞ്ചുലക്ഷം രൂപ നൽകും. ഏരിയാ കമ്മിറ്റികൾ കുറഞ്ഞത് 50,000 രൂപയും 124 ലോക്കൽ കമ്മിറ്റികൾ 10,000 രൂപയും 1,761 ബ്രാഞ്ചുകൾ 2,000 രൂപയും വീതം നൽകും. തദ്ദേശസ്ഥാപനങ്ങൾ, സഹകരണ ബാങ്കുകൾ, മറ്റ് സമിതികളിലെ സി.പി.എം പ്രതിനിധികളായ എല്ലാവരും ഒരുമാസത്തെ ഓണറേറിയം സംഭാവനയായി നൽകും. ദുരിതാശ്വാസ നിധിയിലേക്ക് സംഭാവന നൽകാൻ ജനങ്ങളോട് അഭ്യർത്ഥിച്ചുള്ള ക്യാമ്പയിൻ 10,11 തീയതികളിൽ നടക്കും.