തലയോലപ്പറമ്പ് : കടുത്തുരുത്തി പോളിടെക്‌നിക് കോളേജിലെ സീറ്റൊഴിവിലേക്ക് ഇന്ന് അപേക്ഷിക്കാം. www.polyadmission.org എന്ന വെബ്‌സൈറ്റിലൂടെയോ കോളേജിൽ പ്രവർത്തിക്കുന്ന ഹെൽപ്പ് ഡെസ്‌ക് മുഖേനയോ അപേക്ഷാഫീസ് അടച്ച് പുതിയ അപേക്ഷ നൽകാം. രാവിലെ 8.30 മുതൽ 9.30 വരെ റാങ്ക് പട്ടികയിൽ 1 മുതൽ 25000 വരെയുള്ളവർക്കും 9.30 മുതൽ 10.30 വരെ 25001 മുതൽ 40000 വരെയുള്ളവർക്കും, 10.30 മുതൽ 11.30 വരെ 40001 മുതലുള്ളവർക്കും പുതിയ അപേക്ഷകർക്കും രജിസ്റ്റർ ചെയ്ത് സ്‌പോട്ട് അഡ്മിഷനിൽ പങ്കെടുക്കാം. ആദ്യമായി പ്രവേശനം നേടുന്നവർ സർട്ടിഫിക്കറ്റുകൾ, ഫീസ് എന്നിവ സഹിതം രക്ഷിതാവിനോടൊപ്പം ഹാജരാകണം. മറ്റ് പോളിടെക്‌നിക്കുകളിൽ പ്രവേശനം നേടിയവർ അഡ്മിഷൻ സ്ലിപ്പ്, പി.ടി.എ ഫണ്ട് ഹാജരാക്കണം. ഫോൺ: 9496222730.