കോട്ടയം : ജില്ലയിലെ വിവിധ പൊലീസ് സ്റ്റേഷനുകളിലേക്കായി അനുവദിച്ച പൊലീസ് വാഹനങ്ങളുടെ ഫ്ലാഗ് ഒഫ് ജില്ലാ പൊലീസ് മേധാവി കെ.കാർത്തിക് നിർവഹിച്ചു. തൃക്കൊടിത്താനം, മണിമല, കിടങ്ങൂർ, ഗാന്ധിനഗർ സ്റ്റേഷനുകളിലേക്ക് നാല് മഹീന്ദ്ര ബൊലേറോ ജീപ്പുകളും മുണ്ടക്കയം,ചങ്ങനാശേരി ട്രാഫിക് എന്നിവിടങ്ങളിലേക്കായി രണ്ട് മോട്ടോർ സൈക്കിളുകളുമാണ് അനുവദിച്ചത്. ജില്ലാ പൊലീസ് ആസ്ഥാനത്ത് നടന്ന ചടങ്ങിൽ അഡീഷണൽ എസ്.പി എം.ആർ സതീഷ് കുമാർ, സ്‌പെഷ്യൽ ബ്രാഞ്ച് ഡിവൈ.എസ്.പി ടിപ്‌സൺ തോമസ്, നർക്കോട്ടിക് സെൽ ഡി.വൈ.എസ്.പി എ.ജെ തോമസ്, ക്രൈംബ്രാഞ്ച് ഡിവൈ.എസ്.പി സാജു വർഗീസ്, ഡി.സി.ആർ.ബി ഡിവൈ.എസ്.പി ജ്യോതികുമാർ.പി, എസ്.എച്ച്.ഒമാർ തുടങ്ങിയവർ പങ്കെടുത്തു.