പാലാ: എസ്.എൻ.ഡി.പി. മീനച്ചിൽ യൂണിയനിൽ ശ്രീനാരായണ ദർശന മൂല്യാധിഷ്ഠിത പഠന ക്ലാസ് 18 ന് ആരംഭിക്കും. ശ്രീനാരായണ ദർശനം, ഗുരുദേവകൃതികൾ ആഴത്തിൽ പഠിക്കുന്നതിനും പ്രചരിപ്പിക്കുന്നതിനും വേണ്ടിയാണ് മൂല്യാധിഷ്ഠിത പഠനക്ലാസ് നടത്തുന്നതെന്ന് യൂണിയൻ നേതാക്കളായ സുരേഷ് ഇട്ടിക്കുന്നേൽ, ഉല്ലാസ് മതിയത്ത് എന്നിവർ അറിയിച്ചു.

ഉദ്ഘാടനം 18ന് രാവിലെ 10 ന് എസ്.എൻ.ഡി.പി യോഗം കേന്ദ്ര വനിതാ സംഘം വൈസ് പ്രസിഡന്റ് തീവ ടീച്ചർ നിർവഹിക്കും. യൂണിയൻ ചെയർമാൻ സുരേഷ് ഇട്ടിക്കുന്നേൽ അദ്ധ്യക്ഷത വഹിക്കും.

ഗുരുനാരായണ സേവാനികേതന്റെ സഹകരണത്തോടെ നടത്തുന്ന പഠന ക്ലാസ് ആചാര്യൻ കെ.എൻ. ബാലാജി നയിക്കും. വനിതാ സംഘം ചെയർപേഴ്‌സൺ മിനർവ മോഹൻ ഭദ്രദീപ പ്രകാശനം നടത്തും.

കൺവീനർ എം.ആർ. ഉല്ലാസ്, വൈസ് ചെയർമാൻ സജീവ് വയലാ, കെ.ആർ ഷാജി, സി.ടി. രാജൻ, അനീഷ് പുല്ലവേലി, കെ.പി സുധീഷ് ചെമ്പൻകുളം കെ.ജി. സാബു, കെ.ആർ. സജി, പോഷക സംഘടന നേതാക്കളായ അരുൺ കുളമ്പള്ളി, ഗോപകുമാർ പിറയാർ, സംഗീത അരുൺ, ശശി കെ.പി, രാജേഷ് ശാന്തി, ബിഡ്‌സൺ മല്ലികശ്ശേരി, പി.ആർ. രാജീഷ് തുടങ്ങിയവർ ആശംസകൾ നേരും.