കോട്ടയം: സുരക്ഷിതമായി വാഹനമോടിക്കൂ,​ ജീവൻ രക്ഷിക്കൂ എന്ന സന്ദേശവുമായി ഹൊറൈസൺ മോട്ടോഴ്സും സി.എം.എസ്. കോളേജും ചേർന്നുള്ള മിനി മാരത്തൺ നാളെ തെള്ളകത്തെ മഹീന്ദ്ര ഹൊറൈസൺ മോട്ടോഴ്സിന്റെ മുന്നിൽ നിന്നും ആരംഭിച്ചു പത്ത് കിലോമീറ്റർ പിന്നിട്ട് സി.എം.എസ്. കോളേജിൽ സമാപിക്കും. കെനിയയിൽ നിന്നുള്ള വിദേശ താരങ്ങളടക്കം അഞ്ഞൂറിലേറെ കായിക താരങ്ങൾ പങ്കെടുക്കും.

ഒന്നാമതെത്തുന്ന വനിതാ, പുരുഷ വിഭാഗത്തിലുള്ള വിജയിക്ക് 25,000 രൂപ ക്യാഷ് പ്രൈസ് നൽകും. രണ്ടും മൂന്നും സ്ഥാനം നേടുന്ന പുരുഷ വനിതാ വിഭാഗത്തിലുള്ള അത്ലറ്റുകൾക്ക് യാഥാക്രമം 10,000, 5000 രൂപ വീതം ക്യാഷ് പ്രൈസ് ലഭിക്കും.

50 വയസിനു മുകളിലുള്ള വിഭാഗത്തിൽ പുരുഷ, വനിതാ വിജയികൾക്ക് 5000 രൂപ വീതം ക്യാഷ് പ്രൈസ് ലഭിക്കും. ഫിനിഷിംഗ് പോയിന്റിലെത്തുന്ന ആദ്യ 100 പേർക്ക് മെഡലുകൾ ലഭിക്കും.

പങ്കെടുക്കുന്നവർക്കുള്ള രജിസ്‌ട്രേഷൻ പുലർച്ചെ 5.30 മുതൽ ഹൊറൈസൺ മോട്ടോഴ്‌സിന്റെ തെള്ളകം കാരിത്താസ് ഹോസ്പിറ്റലിന് സമീപമുള്ള മഹീന്ദ്ര സർവീസ് സെന്ററിൽ ആരംഭിക്കും. മിനി മാരത്തണിൽ അതിഥിയായി നടി ശ്രവണയെത്തും.