തൊടുപുഴ : ജില്ലാ സീനിയർ നീന്തൽ ചാമ്പ്യൻഷിപ്പ് 20 ന് വണ്ടമറ്റം അക്വാറ്റിക് സെന്ററിൽ നടക്കും. സംസ്ഥാന സീനിയർ അക്വാറ്റിക് ചാമ്പ്യൻഷിപ്പിൽ പങ്കെടുക്കാനുള്ള ജില്ലാ ടീമിനെ തിരഞ്ഞെടുക്കും.ജില്ലാ അക്വാറ്റിക് അസോസിയേഷനുമായി അഫിലിയേറ്റു ചെയ്തിട്ടുള്ള ക്ലബുകളിൽ നിന്നുള്ള നീന്തൽത്താരങ്ങൾക്കും ജില്ലയിൽ സ്ഥിരതാമസമാക്കിയിട്ടുള്ള മറ്റു നീന്തൽ താരങ്ങൾക്കും മത്സരത്തിൽ പങ്കെടുക്കാം. ക്വാളിഫൈയിംഗ് ടൈമിൽ യോഗ്യത നേടുന്ന പുരുഷ വനിതാ താരങ്ങൾക്ക് ജില്ലയെ പ്രതിനിധീകരിച്ച് സംസ്ഥാന ചാമ്പ്യൻഷിപ്പിൽ പങ്കെടുക്കാൻ അർഹതയുണ്ട്. താൽപര്യമുള്ളവർ 19 ന് വൈകിട്ട് 5നകം സെക്രട്ടറി, ജില്ലാ അക്വാറ്റിക് അസോസിയേഷൻ, വണ്ടമറ്റം പി.ഒ., പിൻ -685582 എന്ന വിലാസത്തിൽ രജിസ്റ്റർ ചെയ്യേണ്ടതാണെന്ന് സെക്രട്ടറി അലൻ ബേബി അറിയിച്ചു.