വൈക്കം: വയനാട് ചൂരമല ദുരന്തത്തിന്റ പശ്ചാത്തലത്തിൽ സ്റ്റെപംബർ 16ന് കെ.പി.എം.എസ് നടത്തുന്ന അവിട്ടാഘോഷം ലളിതമായ ചടങ്ങുകളോടെ നടത്തുമെന്നും, പതാക ഉയർത്തൽ, പുഷ്പാർച്ചന, അനുസ്മരണം എന്നിവ മാത്രമായി നടത്താനാണ് കെ.പി.എം.എസ് സംസ്ഥാന കമ്മിറ്റി തീരുമാനമെന്നും കെ.പി.എം.എസ് സംസ്ഥാന ട്രഷറർ അഡ്വ.എ.സനീഷ്‌കുമാർ അറിയിച്ചു.
വയനാട്ടിൽ സർക്കാർ നടത്തുന്ന പുനർനിർമ്മാണ പ്രവർത്തനങ്ങൾക്ക് സാമ്പത്തിക സഹായം നൽകുമെന്നും അദ്ദേഹം പറഞ്ഞു. കെ.പി.എം.എസ് വൈക്കം യൂണിയൻ നേതൃയോഗം വൈക്കം സത്യാഗ്രഹ സ്മാരക ഹാളിൽ ഉദ്ഘാടനം ചെയ്യുകയായിരുന്നു അദ്ദേഹം.
യൂണിയൻ പ്രസിഡന്റ് പി.ടി. ഷാജിമോൻ അദ്ധ്യക്ഷത വഹിച്ചു. സെക്രട്ടറി മോഹനൻ പേരേത്തറ, ഇ.ആർ.സിന്ധുമോൻ, ഗിരിജ ബാബു, കെ.കെ.അനിൽകുമാർ എന്നിവർ പ്രസംഗിച്ചു.