വൈക്കം: എസ്.എൻ.ഡി.പി യോഗം മറവൻതുരുത്ത് 648ാം നമ്പർ ശാഖായോഗം നവീകരിച്ച പ്രാർത്ഥനാലയത്തിന്റെ ഉദ്ഘാടനവും മികച്ച വിജയം നേടിയ വിദ്യാർത്ഥികളേയും വിവിധ രംഗങ്ങളിൽ കഴിവ് തെളിയിച്ച പ്രതിഭകളെ ആദരിക്കലും നടത്തി. ശാഖാ പ്രസിഡന്റ് എൻ.സി അശോകൻ, സെക്രട്ടറി സുഗുണൻ മാസ്​റ്റർ എന്നിവർ ചേർന്ന് പ്രാർത്ഥനാലയത്തിന്റെ ഉദ്ഘാടനം നിർവഹിച്ചു. സമ്മേളനത്തിൽ പ്രസിഡന്റ് എൻ.സി അശോകൻ അദ്ധ്യക്ഷത വഹിച്ചു. മറവൻതുരുത്ത് കോഓപ്പറേ​റ്റീവ് ബാങ്ക് പ്രസിഡന്റ് പി.വി ഹരിക്കുട്ടൻ മെറി​റ്റ് അവാർഡുകൾ വിതരണം ചെയ്തു. പഞ്ചായത്ത് പ്രസിഡന്റ് പ്രീതി, സുഗുണൻ മാസ്​റ്റർ, സന്ധ്യ സുദർശനൻ, സുരേഷ് കുമാർ, കൈലാസൻ, സിന്ധു സുനിൽ, എം.ആർ ലെനിൻ എന്നിവർ പ്രസംഗിച്ചു.