പുതുപ്പള്ളി: നിയോജകമണ്ഡലത്തിൽ എസ്.എസ്.എൽ.സി, പ്ലസ് ടു ​ ക്ലാസുകളിൽ എല്ലാ വിഷയങ്ങൾക്കും എ പ്ലസ്, എ വൺ ഗ്രേഡുകൾ കരസ്ഥമാക്കിയ വിദ്യാർത്ഥികൾക്കായി ചാണ്ടി ഉമ്മൽ എം.എൽ.എ ഏർപ്പെടുത്തിയ ഉമ്മൻ ചാണ്ടി മെമ്മോറിയൽ എം.എൽ.എ എക്‌സലൻസ് അവാർഡ് വിതരണം ചെയ്തു. ബ്രിട്ടീഷ് എം.പി സോജൻ ജോസഫ് ഉദ്ഘാടനം നിർവഹിച്ചു. അഡ്വ: ചാണ്ടി ഉമ്മൻ എം.എൽ.എ അദ്ധ്യക്ഷത വഹിച്ചു. 474 കുട്ടികൾക്ക് മൊമെന്റോയും ക്യാഷ് അവാർഡും നൽകി. ഉമ്മൻ ചാണ്ടി ഫൗണ്ടേഷന്റെ വിദ്യാഭ്യാസ സ്‌കോളർഷിപ്പ് 'ഉമ്മൻ ചാണ്ടി ​ വിദ്യാഹസ്തം' പദ്ധതിയുടെ 3​ാം ഘട്ടമായി 500 വിദ്യാർഥികൾക്ക് സ്‌കോളർഷിപ്പ് വിതരണം ചെയ്തു. ഫ്രാൻസിസ് ജോർജ് എം.പി, മുൻമന്ത്രിമാരായ തിരുവഞ്ചൂർ രാധാകൃഷ്ണൻ, കെ.സി ജോസഫ് , സ്വാമി സത്സ്വരൂപാനന്ത സരസ്വതി, ജോഷി ഫിലിപ്പ്, ഷെഫ് ജോമോൻ. എൻ.കെ റിഷിരാജൻ എന്നിവർ സംസാരിച്ചു. കോട്ടയം സബർമതി ചാരിറ്റബിൾ ട്രസ്റ്റ്​ നടത്തിവന്നിരുന്ന ജീവകാരുണ്യ പ്രവർത്തനങ്ങൾ ഉമ്മൻ ചാണ്ടി ഫൗണ്ടേഷന്റെ പേരിലേക്ക് മാറ്റുന്ന പ്രഖ്യാപനവും നടന്നു.