കൊഴുവനാൽ: ജില്ലാ പഞ്ചായത്ത് മെമ്പർ ജോസ്‌മോൻ മുണ്ടയ്ക്കൽ നേതൃത്വം നൽകുന്ന സ്‌നേഹദീപം ഭവനപദ്ധതി പ്രകാരമുള്ള 46ാം സ്‌നേഹവീടിന്റെ നിർമ്മാണം കൊഴുവനാൽ പഞ്ചായത്തിലെ തോടനാലിൽ തുടക്കം കുറിച്ചു. കേരള ബാങ്ക് മുൻ സീനിയർ മാനേജർ പി.സി. ജോൺ പൊന്നുംപുരയിടം ശിലാസ്ഥാപനകർമ്മം നിർവഹിച്ചു.
കൊഴുവനാൽ പഞ്ചായത്തിൽ സ്‌നേഹദീപം പദ്ധതിയിൽ നിർമ്മിക്കുന്ന 24ാം സ്‌നേഹവീടാണിത്. യോഗത്തിൽ ജില്ലാ പഞ്ചായത്ത് മെമ്പർ ജോസ്‌മോൻ മുണ്ടയ്ക്കൽ അദ്ധ്യക്ഷത വഹിച്ചു. ബ്ലോക്ക് പഞ്ചായത്ത് മെമ്പർ ജോസി പൊയ്കയിൽ, മുൻ പഞ്ചായത്ത് പ്രസിഡന്റ് മേരിക്കുട്ടി ജോർജ്, പഞ്ചായത്ത് മെമ്പർമാരായ മെർലിൻ ജെയിംസ്, ആനീസ് കുര്യൻ, സ്‌നേഹദീപം സൊസൈറ്റി ഭാരവാഹികളായ ജോസ് ടി. ജോൺ തോണക്കരപ്പാറയിൽ, ജഗന്നിവാസൻ പിടിയ്ക്കാപ്പറമ്പിൽ, ജെയിംസ് കോയിപ്ര, സജി തകിടിപ്പുറം, സുദർശൻ കുരുന്നുമല, റ്റി.സി. ശ്രീകുമാർ തെക്കേടത്ത്, സിബി പുറ്റനാനിക്കൽ, ഷാജി ഗണപതിപ്ലാക്കൽ, ഷാജി വളവനാൽ, ബേബി പരിന്തിരി, പി.കെ. തോമസ് പൂവത്തിനാൽ, ജോസ് എറകോന്നി, തോമസ് പെല്ലാനിക്കൽ, എമ്മാനുവൽ പാറക്കുളങ്ങര, സാമുവൽ മുതിരക്കാല, ജോർജ് പാറത്താനത്ത് എന്നിവർ പ്രസംഗിച്ചു.