വൈക്കം: ലോക രാജ്യങ്ങൾക്കൊപ്പം വ്യാവസായിക വളർച്ചയ്ക്കുള്ള അടിസ്ഥാന സൗകര്യ വികസനത്തിൽ കേരളം അതിവേഗം മുന്നേറണമെന്ന് പ്രമുഖ പ്രവാസി വ്യവസായിയും എലൈ​റ്റ് ഗ്രൂപ്പ് സ്ഥാപകനുമായ ആർ.ഹരികുമാർ പറഞ്ഞു. വൈക്കം ശ്രീമഹാദേവ കോളേജിൽ നടന്ന സംരംഭകത്വ വികസന സെമിനാറും പുതിയ സംരംഭകത്വ യൂണി​റ്റും ഉദ്ഘാടനം ചെയ്യുകയായിരുന്നു അദ്ദേഹം.
പഠനത്തോടൊപ്പം വിദ്യാർത്ഥികൾക്ക് വരുമാനം ഉണ്ടാക്കുവാൻ സഹായകരമായ പദ്ധതികളാണ് കോളേജിൽ നടപ്പിലാക്കുന്നതെന്ന് ഡയറക്ടർ പി.ജി.എം നായർ കാരിക്കോട് പറഞ്ഞു.
പി.കെ നിതിയ അദ്ധ്യക്ഷത വഹിച്ചു. കലാ ഹരികുമാർ ഭദ്റദീപ പ്രകാശനം നടത്തി. അമ്പലപ്പുഴ സി.രാധാകൃഷ്ണൻ മുഖ്യപ്രഭാഷണം നടത്തി.