കുറിച്ചി : സചിവോത്തമപുരം കമ്മ്യൂണിറ്റി ഹെൽത്ത് സെന്ററിൽ കിടത്തി ചികിത്സ പുന:രാരംഭിക്കണമെന്ന് ആവശ്യപ്പെട്ട് ആശുപത്രി സംരക്ഷണ സമിതിയുടെ ആഭിമുഖ്യത്തിൽ നടത്തുന്ന പ്രക്ഷോഭത്തിന്റെ തുടർപ്രവർത്തനങ്ങൾ ചർച്ച ചെയ്യാൻ പ്രവർത്തക യോഗം ഇന്ന് ചേരും. വൈകിട്ട് ആറിന് കുറിച്ചി നാല്പതിൽ കവലയിലെ ക്ഷീര വ്യവസായ സഹകരണ സംഘം ഹാളിലാണ് യോഗം. സമര സമിതി ചെയർമാൻ ഡോ.ബിനു സചിവോത്തമപുരം അദ്ധ്യക്ഷത വഹിക്കും. ജനറൽ കൺവീനർ എൻ.കെ ബിജു രൂപരേഖ അവതരിപ്പിക്കും. സി.പി ജയ്‌മോൻ, എൻ.ഡി ബാലകൃഷ്ണൻ, പ്രസന്നൻ ഇത്തിത്താനം, സി.വി രാജപ്പൻ, സുരേന്ദ്രൻ സുരഭി, പി.പി. മോഹനൻ എന്നിവർ നേതൃത്വം നൽകും.