മോഹമുടഞ്ഞ് പി​.വി​ സി​ന്ധു

സി​ന്ധുവി​നെ പ്രീ ക്വാർട്ടറി​ൽ ഹി​ ബിംഗ് ജി​യാവോ തോൽപ്പി​ച്ചു

പാരീസ് : ആൾ ഇന്ത്യൻ പ്രീ ക്വാർട്ടർ ഫൈനലിൽ മലയാളി താരം എച്ച്.എസ് പ്രണോയ്‌യെ മറികടന്ന് ലക്ഷ്യ സെൻ പാരീസ് ഒളിമ്പിക്സ് ബാഡ്മിന്റൺ പുരുഷ സിംഗിൾസ് ക്വാർട്ടർ ഫൈനലിലെത്തിയപ്പോൾ തുടർച്ചയായ മൂന്നാം ഒളി​മ്പി​ക്സി​ലും മെഡൽ നേടാമെന്ന വനി​താ താരം പി​.വി​ സി​ന്ധുവി​ന്റെ മോഹം തകർന്നു . ഇന്നലെ പ്രീ ക്വാർട്ടറി​ൽ ചൈനീസ് താരം ഹി​ ബിംഗ് ജി​യാവോ നേരി​ട്ടുള്ള ഗെയി​മുകൾക്കാണ് സി​ന്ധുവി​നെ തോൽപ്പി​ച്ചത്. സ്കോർ : 21-19,21-14.

ഫോമിലുംഫിറ്റ്നസിലും മുന്നിൽ നിന്ന ലക്ഷ്യ നേരിട്ടുള്ള ഗെയിമുകൾക്കാണ് പ്രണോ‌യ്‌യെ കീഴടക്കിയത്. സ്കോർ : 21-12,21-6.

39 മിനിട്ട് മാത്രമാണ് പ്രണോയ്‌യെ മറികടക്കാൻ ലക്ഷ്യയ്ക്ക് വേണ്ടിവന്നത്. ആദ്യ ഗെയിമിൽ മാത്രമാണ് പ്രണോയ്‌യ്ക്ക് അൽപ്പമെങ്കിലും പിടിച്ചുനിൽക്കാൻ കഴിഞ്ഞത്. എന്നാൽ റാങ്കിംഗിലും പ്രായത്തിലും തന്നേക്കാൾ പിന്നിലുള്ള ലക്ഷ്യയുടെ ചുറുചുറുക്കിന് മുന്നിൽ രണ്ടാം ഗെയിമിൽ 13-ാം റാങ്കുകാരനായ പ്രണോയ് തീർത്തും അപ്രസക്തനായി. ഗ്രൂ​പ്പ് ​റൗ​ണ്ടി​ലെ​ ​അ​വ​സാ​ന​ ​മ​ത്സ​ര​ത്തി​ൽ​ ​വി​യ​റ്റ്നാം​ ​താ​രം​ ​ലീ​ ​ഡു​ക് ​ഫാ​റ്റി​നെ​ ​മൂ​ന്ന് ​ഗെ​യിം​നീ​ണ്ട​ ​പോ​രാ​ട്ട​ത്തി​ൽ​ ​തോ​ൽ​പ്പി​ച്ചാണ് ​ ​പ്ര​ണോ​യ് ​ ​പ്രീ​ ​ക്വാ​ർ​ട്ട​റി​ലെ​ത്തിയത്.​ 16​-21,21​-11,21​-12​ ​എ​ന്ന​ ​സ്കോ​റി​നാ​ണ് ​പ്ര​ണോ​യ് ​ഇ​ന്ന​ലെ​ ​കീ​ഴ​ട​ക്കി​യ​ത്.​ ​ലോ​ക​ ​റാ​ങ്കിം​ഗി​ലെ​ ​നാ​ലാം​ ​സ്ഥാ​ന​ക്കാ​ര​നാ​യ​ ​ഇ​ന്തോ​നേ​ഷ്യ​യു​ടെ​ ​ജോ​നാ​ഥ​ൻ​ ​ക്രി​സ്റ്റി​യെ​ ​നേ​രി​ട്ടു​ള്ള​ ​ഗെ​യി​മു​ക​ളി​ൽ​ ​അ​ട്ടി​മ​റി​ച്ചാ​ണ് 22​-ാം​ ​റാ​ങ്കു​കാ​ര​നാ​യ​ ​ല​ക്ഷ്യ​ ​പ്രീ​ക്വാ​ർ​ട്ട​ർ​ ​ഉ​റ​പ്പി​ച്ച​ത്.​ ​

ക്വാർട്ടർ ഫൈനലിൽ ചൈനീസ് തായ്പേയ് താരം ടിയെൻ ചെൻ ചൗവാണ് ലക്ഷ്യയുടെ എതിരാളി. പ്രീ ക്വാർട്ടറിൽ ജപ്പാന്റെ കൊഡായ് നരോക്കയെ 21-12,21-16നാണ് ചൗ തോൽപ്പിച്ചത്.

സാ -ചി സഖ്യം

പാരീസിന് പുറത്ത്

ബാഡ്മിന്റണിൽ ഇന്ത്യയ്ക്ക് ഇന്നലെ ഏറ്റവും വലിയ തിരിച്ചടിയായത് പുരുഷ ഡബിൾസിലെ ഇന്ത്യൻ പ്രതീക്ഷകളായിരുന്ന സാത്വിക് സായ്‌രാജ് - ചിരാഗ് ഷെട്ടി സഖ്യത്തിന്റെ പുറത്താകലാണ്. മൂന്ന് ഗെയിം നീണ്ട ആവേശപ്പോ‌രാട്ടത്തിൽ മലേഷ്യൻ സഖ്യമായ ആരോൺ ചിയയും സോ വൂയി യിക്കും ചേർന്നാണ് ഇന്ത്യൻ സഖ്യത്തെ പുറത്താക്കിയത്. ആദ്യ ഗെയിം നേടി മത്സരത്തിൽ ലഭിച്ച ആധിപത്യം കൈവിട്ടുകളഞ്ഞാണ് സാ -ചി സഖ്യം മടങ്ങിയത്. സ്കോർ : 21-13,14-21,16-21.

ലോക റാങ്കിംഗിലെ ഒന്നാം സ്ഥാനം നേടിയെടുത്തിരുന്ന , ഏഷ്യൻ ഗെയിംസിലെയും കോമൺവെൽത്ത് ഗെയിംസിലെയും സ്വർണമെഡൽ ജേതാക്കളായിരുന്ന സാത്വിക് - ചിരാഗ് സഖ്യം പാരീസിൽ മെഡൽ നേടുമെന്ന ഉറച്ച വിശ്വാസത്തിലായിരുന്ന ആരാധകരുടെ ഉള്ളുലയ്ക്കുന്ന കാഴ്ചയാണ് ഇന്നലെ ക്വാർട്ടർ ഫൈനലിൽ കണ്ടത്. ഇതിന് മുമ്പ് മൂന്ന് തവണ ഏറ്റുമുട്ടിയപ്പോഴും തോൽപ്പിക്കാൻ കഴിഞ്ഞിരുന്ന മലേഷ്യൻ സഖ്യത്തിനെതിരെ ഇന്നലെ അമിതമായ ആത്മവിശ്വാസമാണ് ഇന്ത്യൻ താരങ്ങൾക്ക് വിനയായത്.