ന്യൂഡൽഹി: മണിപ്പൂർ കലാപത്തിലെ ഇരകളുടെ നഷ്‌ടപരിഹാരം,പുനരധിവാസം,കേസുകളുടെ അന്വേഷണ മേൽനോട്ടം തുടങ്ങിവയ്‌ക്കായി നിയോഗിച്ച ജസ്റ്റിസ് ഗീതാ മിത്തൽ അദ്ധ്യക്ഷയായ സമിതിയുടെ കാലാവധി ആറുമാസത്തേക്ക് കൂടി നീട്ടി സുപ്രീംകോടതി. ചീഫ് ജസ്റ്റിസ് ഡി.വൈ. ചന്ദ്രചൂഡ് അദ്ധ്യക്ഷനായ ബെഞ്ചിന്റേതാണ് നടപടി. 2023 ആഗസ്റ്റ് ഏഴിനാണ് ജമ്മുകാശ്മീർ മുൻ ഹൈക്കോടതി ചീഫ് ജസ്റ്റിസ് ഗീതാ മിത്തൽ അദ്ധ്യക്ഷയായി മൂന്ന് റിട്ടേയർഡ് ഹൈക്കോടതി വനിത ജഡ്ജിമാരടങ്ങുന്ന സമിതി രൂപീകരിച്ചത്. ഡൽഹി ഹൈക്കോടതിയിൽ നിന്ന് റിട്ടയർ ചെയ്ത മലയാളിയായ ജസ്റ്റിസ് ആശ മേനോൻ,ബോംബെ ഹൈക്കോടതി മുൻ ജഡ്ജി ശാലിനി ജോഷി എന്നിവരാണ് മറ്റു അംഗങ്ങൾ.