ജൂനിയർഎൻടിആർ നായകനായി കൊരട്ടല ശിവ സംവിധാനം ചെയ്യുന്ന ദേവര പാർട്ട് 1 എന്ന ചിത്രത്തിലെ രണ്ടാമത്തെ ഗാനം പുറത്തിറങ്ങി. 'കണ്ണിണതൻ കാമനോട്ടം' എന്നു തുടങ്ങുന്ന ഗാനം റൊമാന്റിക്‌ മെലഡിയാണ്. ഗാനരംഗത്ത് ആരാധകരെ ഞെട്ടിച്ച് അതീവ ഗ്ളാമറസായാണ് ജാൻവി കപൂർ എത്തുന്നത്.ജാൻവിയുടെ ആദ്യ തെലുങ്ക് ചിത്രമാണ്.

അനിരുദ്ധ് രവിചന്ദർ സംഗീതം നൽകുന്ന ഗാനത്തിന്റെ മലയാളം വരികൾ എഴുതിയിരിക്കുന്നത് മങ്കൊമ്പ് ഗോപാലകൃഷ്ണനാണ്. ശില്പ റാവുവാണ്ആ ലാപനം.ബിഗ് ബഡ്ജറ്റിൽ രണ്ടു ഭാഗങ്ങളായി ഒരുങ്ങുന്നത്. ആദ്യ ഭാഗം സെപ്തംബർ 27ന് റിലീസ് ചെയ്യും. ബോളിവുഡ് താരം സെയ്ഫ് അലി ഖാനും പ്രധാന വേഷത്തിൽ എത്തുന്നു.പ്രകാശ്‌ രാജ്, ശ്രീകാന്ത് മേക്ക, ഷൈൻ ടോം ചാക്കോ, നരേൻ തുടങ്ങിയവരാണ് മറ്റ് താരങ്ങൾ.
കൊരട്ടല ശിവയും എൻടിആറും ജനതാ ഗാരേജിന് ശേഷം ഒരുമിക്കുന്ന ചിത്രം തെലുങ്ക്, തമിഴ്, കന്നഡ, ഹിന്ദി, മലയാളം ഭാഷകളിലായി പുറത്തിറങ്ങും. ഛായാഗ്രഹണം: രത്നവേലു , പ്രൊഡക്ഷൻ ഡിസൈനർ: സാബു സിറിൾ, എഡിറ്റർ: ശ്രീകർ പ്രസാദ്.

യുവസുധ ആർട്സും എൻടിആർ ആർട്സും ചേർന്ന് നിർമിക്കുന്ന ചിത്രം നന്ദമുരി കല്യാണ്‍ റാം ആണ് അവതരിപ്പിക്കുന്നത്. പി.ആർ. ഒ: ആതിര ദിൽജിത്ത്.