ചണ്ഡിഗർ: ഹരിയാനയിലെ സ്‌കൂളുകളിൽ എല്ലാ ദിവസവും രാവിലെ ഇനി ഗുഡ് മോർണിംഗ് ഇല്ല. പകരം ജയ് ഹിന്ദ് ആശംസ മതിയെന്ന് തീരുമാനം. സ്കൂളുകളിൽ

ജയ് ഹിന്ദ് ആശംസിച്ചാൽ മതിയെന്ന് ഹരിയാന ഡയറക്ടറേറ്റ് ഒഫ് സ്‌കൂൾ എജ്യുക്കേഷൻ നിർദ്ദേശം നൽകി. കുട്ടികളിൽ ദേശസ്‌നേഹവും അഭിമാനവും വളർത്തുകയാണ് ലക്ഷ്യമെന്നും ജില്ലാ വിദ്യാഭ്യാസ ഓഫിസർമാർ, പ്രിൻസിപ്പൽമാർ ഹെഡ്മാസ്റ്റർമാർ എന്നിവർക്ക് അയച്ച മാർഗ നിർദ്ദശത്തിൽ പറയുന്നു. സ്വാതന്ത്ര്യ ദിനത്തിൽ ദേശീയപതാക ഉയർത്തുന്നതിനു മുൻപ് ജയ് ഹിന്ദ് എന്ന് ഉപയോഗിക്കണം. ബ്രിട്ടിഷ് ഭരണത്തിനെതിരെ പോരാടിയ നേതാജി സുഭാഷ് ചന്ദ്രബോസാണ് ജയ് ഹിന്ദ് എന്ന വാക്ക് കൊണ്ടുവന്നത്.

.................................................................................................

ഹരിയാനയിൽ 14,300 സർക്കാർ സ്‌കൂളുകളിൽ 23.10 ലക്ഷം വിദ്യാർത്ഥികളുണ്ട്. സംസ്ഥാനത്തെ ഏഴായിരത്തോളം സ്വകാര്യ സ്‌കൂളുകളിൽ സർക്കാർ സ്‌കൂളുകൾക്ക് തുല്യമായ വിദ്യാർത്ഥികളുണ്ടെന്നാണ് കണക്ക്. സ്വാതന്ത്ര്യസമരകാലത്ത് നേതാജി സുഭാഷ് ചന്ദ്രബോസ് ആവിഷ്‌കരിച്ചതാണ് 'ജയ് ഹിന്ദ്' എന്നും പിന്നീട് സ്വാതന്ത്ര്യാനന്തരം സായുധ സേന ഇത് സ്വീകരിച്ചുവെന്നും സർക്കുലറിൽ പറയുന്നു. രാജ്യത്തിന്റെ സ്വാതന്ത്ര്യത്തിനായി നടത്തിയ ത്യാഗങ്ങളെ അഭിനന്ദിക്കാൻ ഈ 'ദേശഭക്തി അഭിവാദ്യം' വിദ്യാർത്ഥികളെ പ്രേരിപ്പിക്കുന്നു. 'ജയ് ഹിന്ദ്' പ്രാദേശിക, ഭാഷാ, സാംസ്‌കാരിക വ്യത്യാസങ്ങൾക്കതീതമാണ്, വൈവിദ്ധ്യമാർന്ന പശ്ചാത്തലങ്ങളിൽ നിന്നുള്ള വിദ്യാർത്ഥികൾക്കിടയിൽ ഐക്യം പ്രോത്സാഹിപ്പിക്കും. 'ഇതിന്റെ പതിവ് ഉപയോഗം വിദ്യാർത്ഥികൾക്കിടയിൽ അച്ചടക്കത്തിന്റെയും ഏകതയുടെയും ബോധം വളർത്തും. പരമ്പരാഗത ആശംസകൾ ദിനചര്യയിൽ ഉൾപ്പെടുത്തുന്നത് സാംസ്‌കാരിക പൈതൃകത്തെ പ്രോത്സാഹിപ്പിക്കുന്നു.

'രാജ്യത്തിന്റെ പുരോഗതിക്ക് സംഭാവന നൽകാനുള്ള വിദ്യാർത്ഥികളുടെ കഴിവിനെ ഓർമ്മിപ്പിക്കുന്ന ഈ ആശംസ പ്രചോദനവും പ്രചോദനവുമാണ്. 'ജയ് ഹിന്ദ്' യുവ ഇന്ത്യക്കാർക്ക് പ്രചോദനത്തിന്റെ ഉറവിടമായി വർത്തിക്കുന്നു, ഇന്ത്യയുടെ വികസനത്തിന് ക്രിയാത്മകമായി സംഭാവന ചെയ്യാൻ അവരെ പ്രോത്സാഹിപ്പിക്കുന്നു.

ഇത് സ്‌കൂളുകളിലെ ദൈനംദിന യോഗ, ക്വിസ് സെഷനുകൾക്കുള്ള ഒരു നിർദ്ദേശം മാത്രമാണെന്നും പാലിച്ചില്ലെങ്കിൽ ശിക്ഷിക്കുന്നതിനുള്ള വ്യവസ്ഥകളൊന്നുമില്ലെന്നും അധികൃതർ പറയുന്നു.