ആ വരുന്ന ആഗസ്റ്റ് 19ന് ലോകം ആകാശത്ത് മറ്റൊരു വിസ്മയക്കാഴ്ചയ്ക്ക് സാക്ഷ്യം വഹിക്കും, സൂപ്പർ മൂൺ, ബ്ലൂമൂൺ എന്നീ പേരുകളിൽ അറിയപ്പെടുന്ന ചാന്ദ്രപ്രതിഭാസമാണ് ആകാശത്ത് ദൃശ്യമാകുക. വരാനിരിക്കുന്ന ഫുൾ മൂൺ " സൂപ്പർ മൂൺ ബ്ലൂമൂൺ ആയിരിക്കുമെന്നാണ് നാസ അറിയിക്കുന്നത്. ആഗസ്റ്റ് 19ന് ഇന്ത്യൻ സമയം രാത്രി 11.56നാണ് ഫുൾ മൂൺ ദൃശ്യമാകുക. ഈ ആകാശക്കാഴ്ച മൂന്നുദിവസം തുടരും.

പൂർണചന്ദ്രൻ ഭൂമിയുടെ ഭ്രമണപഥത്തോട് ഏറ്റവും അടുത്ത് വരുന്ന പ്രതിഭാസത്തെയാണ് സൂപ്പർ മൂൺ എന്നു പറയുന്നത്. ചന്ദ്രൻ ഭൂമിയുടെ ഏറ്റവും അരികിലേക്ക് എത്തുന്നതിനാലാണ് ചന്ദ്രനെ ഭൂമിയിൽ നിന്ന് നഗ്നനേത്രങ്ങൾ കൊണ്ട് പൂർണതയോടെ ദർശിക്കാൻ കഴിയുന്നത്. എന്നാൽ ബ്ലൂമൂൺ അപൂർവമായി മാത്രം കാണുന്ന പ്രതിഭാസമല്ല. വർഷത്തിൽ രണ്ടോ മൂന്നോ തവണ ബ്ലൂമൂൺ കാണപ്പെടുന്നു.

1979ൽ ജ്യോതിശാസ്ത്രജ്ഞനായ റിച്ചാർഡ് നോലെയാണ് സൂപ്പർമൂൺ എന്ന പദം ആദ്യമായി ഉപയോഗിച്ചത്. ഈ വർഷം വരാനിരിക്കുന്ന നാല് സൂപ്പർമൂണുകളിൽ ആദ്യത്തേതാണ് ആഗസ്റ്റ് 19ന് തെളിയുക. സെപ്തംബറിലും ഒക്ടോബറിലും സൂപ്പർമൂണുകൾ വരാനുണ്ട്. ആഗസ്റ്റ് 19ലെ സൂപ്പർമൂൺ എന്നത് ബ്ലൂമൂൺ കൂടിയാണ്. ബ്ലൂ മൂണിന് നീലനിറവുമായി ബന്ധമില്ല. നാല് ഫുൾ മൂണുകളുള്ള ഒരു സീസണിലെ മൂന്നാമത്തെ ഫുൾ മൂണിനെയാണ് സാധാരണയായി ബ്ലൂ മൂൺ എന്നുവിളിക്കുന്നത്. ഇത്തരത്തിലുള്ള ഫുൾ മൂണാണ് ആഗസ്റ്റ് 19ന് ദൃശ്യമാകുക. ഈ ദിവസം 30 ശതമാനം അധികം വെളിച്ചവും 14 ശതമാനം അധികവലിപ്പവും ചന്ദ്രനുണ്ടാകും സൂപ്പർമൂൺ ലോകമെമ്പാടും ദൃശ്യമാകും