കൊച്ചി ആസ്ഥാനമായി പ്രവർത്തിക്കുന്ന സെഡ്കോ മീഡിയ മലയാള സിനിമ നിർമാണ രംഗത്തേക്കും പ്രവേശിക്കുന്നു .സീബ്രാ പ്രൊഡക്ഷൻസ് എന്ന പേരിൽ ആരംഭിച്ച കമ്പനിയുടെ ലോഗോ പ്രകാശനം കലൂർ ഗോകുലം പാർക്കിൽ നടന്നു. പുതിയ രണ്ടു ചിത്രങ്ങളുടെ പ്രഖ്യാപനം നടത്തിയാണ് സീബ്രാ പ്രൊഡക്ഷൻസ് നിർമാണ രംഗത്തേക്ക് വരവ് അറിയിച്ചത്. സെഡ്‌കോ ആപ്പിന്റെ ഉദ്ഘാടനവും ചടങ്ങിൽ നടന്നു.
സീബ്രാ മീഡിയ ചെയർമാൻ മുജീബ് റഹ്‌മാൻ സ്വാഗതം പറഞ്ഞ ചടങ്ങിൽ അബ്ദുൽ റഹിം പള്ളത്ത് അധ്യക്ഷനായിരുന്നു.
ടി . ജെ .വിനോദ് എം.എൽ. എ ഉദ്ഘാടനം നിർവഹിച്ചു.ഗോകുലം ഗ്രൂപ്സ് ചെയർമാൻ ഗോകുലം ഗോപാലൻ ഭദ്രദീപം തെളിച്ചു. കിൻഫ്ര ചെയർമാൻ സാബു ജോർജ് ലോഗോ പ്രകാശനം ചെയ്തു.
സെഡ് കോ ആപ്പ് റിപ്പോർട്ട് അവതരണം സി.ഇ. ഒ അരുൺ കുമാർ നിർവഹിച്ചു.
പി .മുരളിമോഹൻ കഥ തിരക്കഥയെഴുതി സംവിധാനം ചെയ്യുന്ന "പൊട്ടിച്ചൂട്ട്" എന്ന ചിത്രത്തിന്റെ മോഷൻ പോസ്റ്റർ സംവിധായകൻ സലാം ബാപ്പു നിർവഹിച്ചു. സുബി ടാൻസ കഥ തിരക്കഥ സംവിധാനം നിർവഹിക്കുന്ന "സുംബ്രൂവും, മാരിയും" എന്ന ചിത്രത്തിന്റെ ഫസ്റ്റ്ലുക്ക് പോസ്റ്റർ, മോഷൻ പോസ്റ്റർ പ്രകാശനവും ഇതോടൊപ്പം നിർവഹിച്ചു.ഈ ചിത്രത്തിലെ നായക കഥാപാത്രങ്ങളായ അസ്‌ലം മുജീബ്, ഡാവിഞ്ചി സന്തോഷ്‌ എന്നിവർ മുഖ്യാ അതിഥികളായി. നടൻ ജനാർദ്ദനൻ, അരിസ്റ്റോ സുരേഷ്,യവനിക ഗോപാലകൃഷ്ണൻ, അംബിക മോഹൻ, നിസാർ മാമുക്കോയ, അജയ് വാസുദേവ് തുടങ്ങിയവർ ചടങ്ങിൽ പങ്കെടുത്തു.
ബിഗ്‌ബോസ് തരാം മഞ്ജുഷ,കല കായിക സാംസ്കാരിക രംഗത്തെ മറ്റു പ്രമുഖകർ എന്നിവരെ ആദരിച്ചു. പ്രൊഡക്ഷൻ കൺട്രോളർ-അബീബ് നീലഗിരി.എം .എ ഗഫൂർ നയിച്ച ഗസൽ സന്ധ്യയും ഉണ്ടായിരുന്നു.