കൊല്ലം : ലൈംഗികമായി ഉപദ്രവിച്ചെന്ന യുവകഥാകാരിയുടെ പരാതിയിൽ സംവിധായകൻ വി.കെ.പ്രകാശിനെതിരെ പൊലീസ് കേസെടുത്തു. യുവതിയുടെ രഹസ്യമൊഴിയുടെ അടിസ്ഥാവത്തിൽ കൊല്ലം പള്ളിത്തോട്ടം പൊലീസാണ് കേസെടുത്തത്. സിനിമാ മേഖലയിലെ സമാനമായ പരാതികൾ അന്വേഷിക്കുന്ന പ്രത്യേക സംഘത്തിന് കേസ് നാളെ കൈമാറും.

.

2022 ഏപ്രിലിലാണ് കേസിനാസ്പദമായ സംഭവം. സിനിമയുടെ കഥ പറയുന്നതുമായി ബന്ധപ്പെട്ട് രണ്ടുവർഷം മുമ്പാണ് വി.കെ. പ്രകാശിനെ ബന്ധപ്പെടുന്നത്. കഥയുടെ ചെറിയ രൂപം അയച്ചത് ഇഷ്ടമായെന്നും കൊല്ലത്തേക്ക് വരണമെന്നും ആവശ്യപ്പെട്ടു. കഥ പറഞ്ഞുതുടങ്ങി കുറച്ച് കഴിഞ്ഞപ്പോൾ മദ്യം ഓഫർ ചെയ്തു. തുടർന്ന് ഇന്റിമേറ്റായും വൾഗറായിട്ടും അഭിനയിക്കേണ്ട സീൻ തന്ന ശേഷം അഭിനയിച്ച് കാണിക്കാൻ പറഞ്ഞു. അഭിനയത്തോട് താത്പര്യമില്ലെന്ന് പറഞ്ഞപ്പോൾ കഥ കേൾക്കാതെ ചുംബിക്കാനും കിടക്കയിലേക്ക് തള്ളിയിടാനും ശ്രമിച്ചു. എതിർത്തപ്പോ& പ്രകാശ് ഹോട്ടൽ മുറിയിൽ നിന്ന് ഇറങ്ങിപ്പോയി. തുടർന്ന് പരാതിപ്പെടാതിരിക്കാൻ ഡ്രൈവറുടെ അക്കൗണ്ടിൽ നിന്ന് 10000 രൂപ പിന്നീട് തനിക്കയച്ചെന്നും യുവതി വെളിപ്പെടുത്തു. ഇതേത്തുടർന്ന് മുൻകൂർ ജാമ്യം തേടി വി.കെ. പ്രകാശ് ഹൈക്കോടതിയെ സമീപിച്ചിരുന്നു.