മലപ്പുറം: എസ്.എസ്.എഫ് മലപ്പുറം ഈസ്റ്റ് ജില്ലാ സാഹിത്യോത്സവത്തിന് നാളെ എടവണ്ണപ്പാറയിൽ തുടക്കമാകും. വൈകിട്ട് അഞ്ചിന് സമസ്ത കേരള ജംഇയ്യത്തുൽ ഉലമ സെക്രട്ടറി പൊന്മള അബ്ദുൽ ഖാദിർ മുസ്ലിയാർ ഉദ്ഘാടനം ചെയ്യും. വെള്ളിയാഴ്ച വൈകിട്ട് മൂന്ന് മുതലാണ് മത്സരങ്ങൾ ആരംഭിക്കുക. 168 ഇനങ്ങളിലായി 3,​000ത്തോളം പ്രതിഭകൾ മാറ്റുരയ്ക്കും. ഞായറാഴ്ച വൈകിട്ട് സമാപന സംഗമം ഡോ. പരകാല പ്രഭാകർ ഉദ്ഘാടനം ചെയ്യും. വാർത്താസമ്മേളനത്തിൽ സി.കെ.മുഹമ്മദ് ഷാഫി സഖാഫി,​ കെ.പി.മുഹമ്മദ് അനസ്,​ ഷഫീഖ് ബുഖാരി,​ യൂസുഫലി സഖാഫി മൂത്തേടം,​ ടി.എം.ശുഐബ് ആനക്കയം പങ്കെടുത്തു.