മലപ്പുറം: വിരമിച്ച അദ്ധ്യാപകരുടെ കൂട്ടായ്മയായ ഷെൽട്ടർ മുഖ്യമന്ത്രിയുടെ ദുരിതാശ്വാസ നിധിയിലേക്ക് 14,​55,​250 രൂപ സംഭാവന നൽകി. ആദ്യ ഗഡുവായി അഞ്ച് ലക്ഷം രൂപ നേരത്തെ നൽകിയിരുന്നു. ബാക്കി തുക 9,​55,​250രൂപയാണ് ജില്ലാ കളക്ടർക്ക് കൈമാറിയത്. രക്ഷാധികാരികളായ കെ.പി. രമണൻ, എം.കെ. ശ്രീധരൻ, ഷെൽട്ടർ ജില്ലാ പ്രസിഡന്റ് പി. പരമേശ്വരൻ, ജോയിന്റ് സെക്രട്ടറി ബേബി മാത്യു, ജില്ലാ ട്രഷറർ ഇ.എം. നാരായണൻ, ജില്ലാ വൈസ് പ്രസിഡന്റ് ഇ.പി. ബാലകൃഷ്ണൻ എന്നിവർ പങ്കെടുത്തു.