മലപ്പുറം: മഅദിൻ അക്കാദമിക്ക് കീഴിൽ സ്വലാത്ത് നഗറിൽ ഇന്ന് സ്വലാത്ത് ആത്മീയ സംഗമവും പ്രാർത്ഥനാ സദസ്സും സംഘടിപ്പിക്കും. വൈകിട്ട് ആറിന് ആരംഭിക്കുന്ന പരിപാടി സമസ്ത ഉപാദ്ധ്യക്ഷൻ സയ്യിദ് അലി ബാഫഖി തങ്ങൾ ഉദ്ഘാടനം ചെയ്യും. മഅദിൻ ചെയർമാൻ സയ്യിദ് ഇബ്രാഹീമുൽ ഖലീൽ അൽ ബുഖാരി ആത്മീയ സംഗമത്തിന് നേതൃത്വം നൽകും. അന്നദാനം നടത്തും. സ്ത്രീകൾക്ക് പ്രത്യേകം സൗകര്യങ്ങളൊരുക്കും. സയ്യിദ് ശിഹാബുദ്ധീൻ ബുഖാരി, സയ്യിദ് മുഹമ്മദ് ഫാറൂഖ് ജമലുല്ലൈലി, സയ്യിദ് സ്വാലിഹ് ഖാസിം അൽ ഐദ്രൂസി, സയ്യിദ് ഷഫീഖ് അൽ ബുഖാരി കരുവൻതിരുത്തി തുടങ്ങിയവർ എന്നിവർ സംബന്ധിക്കും.